Pas fitores 2-0 të Shqipërisë ndaj Polonisë, Jasir Asani, autori i atij goli fantastik, ka treguar edhe bisedën me portierin polak, Szczesny. Ndër të tjera, Asani tha se një meritë të madhe për formën e tij në kombëtare e ka edhe Sylvinho.
“Të them të drejtën, fusha nuk ka qenë siç duhet, nuk na lejuan të luajmë futbollin që kemi përgatitur gjithë javën. Por, erdhi goli dhe u çliruam, kemi kualitet të lartë. Mendova për krosim, por pashë Szczesny të lëvizte dhe mbylla sytë e godita, e dija se po të shkonte në portë do të ishte gol.
Szczesny më tha bravo se ishte një supergjuajtje dhe se nuk e priste ta bëja nga ajo distancë.
E dimë për çfarë kemi ardhur, stafi ka bërë shumë punë dhe merita për sa më përket mua është Sylvinho, më ka dhënë shumë besim së bashku me Zabaletën”, u shpreh Asani pas ndeshjes./h.ll/abcnews.al
