Ylli zviceran me prejardhje nga Kosova, Granit Xhaka është paraqitur sot në konferencën për media të Zvicrës, para ndeshjes së nesërme kundër Kombëtares së Kosovës, nga ku tha se edhe pse është në fanellën tjetër, ai shpreson që t’i bëjë kosovarët të lumtur.
Xhaka tha që s’i ka ndodhur kurrë që ta ketë prezent familjen e tij në një konferencë për media, ndërsa tha se në Kosovë ndjehet sikur në shtëpinë e tij, teksa shtoi se edhe pse ka luajtur kundër Shqipërisë dhe Serbisë, ndeshja e nesërme kundër “dardanëve” do të jetë shumë e veçantë dhe plot emocione për të.
Kur u pyet se a ka bërë Zvicra ndonjë përgatitje ndryshe ndaj Kosovës, Xhaka tha se trajneri e ka përgatitur kombëtaren “helvete” si gjithmonë, dhe se lojtarët duhet të tregojnë vetën në fushën e blertë. /i.m /abcnews.al
