Më shumë se 140 persona janë plagosur në përleshjet mes azilkërkuesve nga Eritrea dhe policisë izraelite në Tel Aviv.
Dhuna shpërtheu pranë ambasadës së Eritresë kur protestuesit u ndaluan të arrinin në ndërtesë përpara një ngjarje kulturore që do të zhvillohej atje, shkruan Sky News.
Demonstruesit thyen xhamat e makinave dhe xhamat e bizneseve lokale dhe policia përdori gaz lotsjellës e plumba gome për të shtyrë turmat prapa.
Shërbimet lokale të urgjencës thonë se të paktën 30 nga të plagosurit janë oficerë policie, ndërsa një spital në Tel Aviv raportoi se 11 persona po trajtoheshin.
Përleshjet rifilluan më vonë gjatë ditës kur mbështetësit dhe kundërshtarët e regjimit të Eritresë u përplasën.
Policia e Tel Avivit u bëri thirrje banorëve vendas që të qëndrojnë larg zonës ndërkohë që ata punojnë për të rivendosur qetësinë.
Nga mesi i pasdites së së shtunës situata u tha se ishte nën kontroll./abcnews.al
