Barcelona ka lënë pas atë humbje 2-0 kundër Granada dy javë më parë dhe ka marrë dy triumfe radhazi. Pasi mposhtën Villareal 2-1, katalanasit fituan edhe kundër Getafes. Golat nga Suarez dhe Firpo i dhanë fitoren 0-2 dhe tri pikët Barcelonës.
Fillimisht, ishte Suarez ai që gjeti rrugën e rrjetës, i asistuar nga portieri Ter Stegen. Gardiani gjerman del nga zona për të pastruar rrezikun dhe topi i tij kthehet në pasim për gol për sulmuesin uruguaian, që kaloi Barçën në avantazh në minutën e 41-të.
Në pjesën e dytë, të besuarit e Valverde u vunë në kërkim të golit të siguerisë, që erdhi me anë të Junior Firpo. Goli i mbrojtësit në minutën e 49-të vendosi dhe rezultatin final të sfidës, 0-2./abcnews.al
La Liga, java 7
Getafe – Barcelona 0-2
Suarez 41’, Firpo 49’
