Max Allegri është një ndër emrat më të lakuar për momentin. Trajneri italian u përfol si opsion për Realin e Madridit në rast se shkarkohet Zidan. Gjithashtu një ditë më parë emri i tij doli në skenë për londinezët e Tottenham.
Sot raportohet se Allegri është një nga kandidaturat potenciale për të marrë drejtimin e PSG. Gjermani Thomas Tuchel është kritikuar shumë së fundmi pas humbjes që francezët pësuan në kampionat kundër Reims. Drejtuesit nuk e kanë përjetuar mirë dhe mund të vendosin ta largojnë.
Gjithsesi ka edhe një shans tjetër dhe nesër duhet të mposhtë skuadrën e Bordeaux. Nëse ndodh që PSG të pësojë humbjen e dytë radhazi në kampionat, atëherë tekniku gjerman me shumë mundësi bën valixhet gati. Allegri është në pritje. /abcnews.al
