Javën e shkuar, organi më i lartë i futbollit në Evropë, UEFA mori vendimin për të pezulluar për një vit nga kompeticionet evropian, “bardhezinjtë” e Juventus, si dhe ti dënonte këta të fundit me një gjobë prej 20 milionë eurosh.
Për “përjashtimin” nga Evropa, të “zonjës së vjetër”, disa fjalë i tha dhe kapiteni i ri i skuadrës, pas largimit të Bonuçit, braziliani Danilo, i cili e konsideron si diçka pozitive qëndrin jashtë kompeticioneve të tjera këtë sezon, pasi për këtë aryse, Juventus mund të fokusohet në titullin kampion dhe Kupën e Italisë.
“Sigurisht që do të kishim dashur të luanim në kompeticionet europiane, por u mor vendimi i duhur. Këtë vit do të fokusohemi te kampionati dhe Kupa e Italisë. Objektivi ynë është të fitojmë sërish titullin kampion. Duam ta rikthejmë Juventusin në skuadrën më të mirë të Italisë. Titulli na mungon dhe ne duam të rikthehemi në majë”,- u shpreh Danilo. /i.m /abcnews.al
