Loading ...
Presidenti bullgar, Rumen Radev sulmoi Ukrainën duke pretenduar se Kievi “insiston në luftën”, ndërsa “Evropa paguan për gjithçka”.Rumen Radev tha se “e gjithë Evropa po paguan faturën” për mbrojtjen e Ukrainës dhe i bëri thirrje Bullgarisë të miratojë një pozicion “neutraliteti”.
Komentet e tij bënë që kryeministri bullgar Nikolai Denkov të sqaronte se nuk ishin qëndrimi i qeverisë.”Sot ai përsërit disa deklarata ruse që nuk kanë të bëjnë me atë që anëtarët e BE-së dhe NATO-s paraqesin si qëndrim,” tha Denkov, sipas Kyiv Independent.
Ambasada e Ukrainës në Sofje u përgjigj duke thënë se fajësimi i luftës ndaj Ukrainës, e cila “u sulmua pabesisht nga fqinji i saj verior, është një nga tezat më të zakonshme mbështetëse të propagandës ruse dhe luftës hibride në Evropë”.
Ambasada tha se Kievi po bënte të gjitha përpjekjet e mundshme për të rivendosur paqen dhe hodhi poshtë qëndrimin e Radevit se furnizimi me armë në Ukrainë nxit dhe zgjat luftën./abcnews.al
