bullgaria
Veronik Istrefaj16:31 | 21/10/2019
Krasimir Balakov ka dhënë dorëheqjen nga drejtimi i Bullgarisë, pas ndeshjes me shumë polemika kundër Anglisë. Ajo humbje 0-6, por dhe incidentet me racizmin i kanë kushtuar stolin trajnerit Balakov, i cili është zëvendësuar nga Georgy Dermendzhiev.
Federata Bullgare e Futbollit, zyrtarizoi afrimin e Dermendzhiev në krye të pankinës së kombëtares, me anë të një njoftimi zyrtar: “Georgy Dermendzhiev është trajneri i ri i kombëtares së Bullgarisë. Akordi është arritur dhe ai do të jetë pasuesi i Balakov. Finalizimi i dokumenteve do të mbyllet nesër”.
Ndeshja mes Bullgarisë dhe Anglisë disa ditë më parë ishte në qendër të vëmendjes së medieve botërore, por dhe të UEFA-s, për shkak të disa tifozëve bullgarë në stadium, që përdorën kore raciste dhe ofendime kundrejt lojtarëve të Anglisë./abcnews.al
Igli Nikolli16:41 | 18/10/2019
Kombëtarja bullgare ndodhet në kaos. Humbja e fundit shtëpiake kundër Anglisë u shoqërua me probleme të shumta. Tifozët vendas nuk i kursyen koret raciste kundër Rahem Sterling dhe ndeshja u ndërpre dy herë.
“Tre Luanët” kërcënuan me largim nga fusha dhe kapiteni bullgar u mundua të qetësonte tifozët me thirrjet e tij. Ndeshja rinisi dhe u mbyll 0-6 për ekipin e Gareth Southgate.
Presidenti i Federatës Bullgare të Futbollit, Borislav Mihaylov, dha dorëheqjen dhe diçka të tillë e ka bërë edhe trajneri. Sky Sports UK raporton se Krasimir Balakov ka vendosur të hapë krahun.
53-vjeçari drejtonte kombëtaren e vendit të tij prej 14 majit të këtij viti dhe aventura e tij u mbyll pas 5 muajsh. /abcnews.al
Igli Nikolli11:14 | 15/10/2019
Ndeshja mes Bullgarisë dhe Anglisë prodhoi një rezultat tenistik në fushën e blertë dhe probleme pafund para dhe gjatë saj. “Tre Luanët” fituan 0-6 në Sofje, teksa një tifoz anglez humbi jetën përpara ndeshjes.
Në stadium ishte radha e përshëndetjeve naziste dhe koreve raciste kundrejt Rahem Sterling. Trajneri Southgate kërkoi dy herë ndalimin e ndeshjes dhe kapitenit bullgar iu desh t’i bënte thirrje tifozëve për qetësi.
Surpriza e madhe vjen nga Krasimir Balakov. Trajneri i kombëtares bullgare habit me deklaratën e tij të sjellë nga The Sun. Ai pretendon se nuk ka dëgjuar kore raciste, teksa nuk nguron të lëshojë akuza kundrejt tifozëve anglezë.
“Ndoshta tifozët tanë nuk ishin të kënaqur me paraqitjen e ekipit. Personalisht nuk kam dëgjuar kore raciste. Arbitri ndaloi ndeshjen dhe mund të them që sjellja e të dy tifozerive ishte e patolerueshme. Tifozët anglezë na fishkëllyen himnin dhe në pjesën e dytë përdorën fjalë fyese kundër tanëve“, thekson Krasimir Balakov. /abcnews.al
ad min08:45 | 11/07/2019
Qeveria e Bullgarisë miratoi blerjen e 8 avionëve luftarakë të tipit F-16 Block 70 për 1.2 miliardë dollarë si pjesë e bisedimeve tregtare me SHBA-të, transmeton Anadolu Agency (AA).
Në një deklaratë pas Këshillit të Ministrave u bë e ditur se bisedimet me SHBA-të për rinovimin e avionëve të vendit kanë përfunduar me sukses.
Ministri bullgar i Mbrojtjes, Krasimir Karakachanov tha se në kuadër të buxhetit të miratuar me SHBA-të do të nënshkruhet një marrëveshje për blerjen e 6 avionëve me vend për një pilot dhe 2 avionëve me vend për dy pilotë. Në kuadër të marrëveshjes do të nënshkruhen 4 protokolle të veçanta për blerjen e avionëve, sigurimin e stoqeve të armatimeve, blerjen e raketave me udhëzues dhe instalimin e udhëzimeve dhe sistemeve të drejtimit.
Karakachanov tha se çmimi i përgjithshëm i flotës u zvogëlua nga 1.4 miliardë dollarë në 1.2 miliardë dollarë falë bisedimeve me SHBA-të. Ai vuri në dukje se nga qeveria amerikane pritet që ajo të investojë 60 milionë dollarë në logjistikë në Bazën Ajrore Graf Ignatievo, ku avionët do të vendosen.
Vendimi i qeverisë është dorëzuar në Komisionin parlamentar të Mbrojtjes dhe pritet të marrë miratimin nga deputetët. Parlamenti bullgar 6 muaj më parë i dha “dritë të gjelbër” qeverisë që të fillojë bisedimet me SHBA-të.
Presidenti i Bullgarisë, Rumen Radev, i cili ka qenë ish-komandanti i Forcave Ajrore, kundërshtoi blerjen e avionëve amerikanë F-16 duke thënë se vendi ka ndërmarrë një iniciativë me shpenzime ekstreme për teknologji të vjetër me pajisje të kufizuar./AA
nev ila09:55 | 04/05/2019
Të martën e 7 majit, Kreu i Kishës Katolike Papa Françesku do të vizitojë Maqedoninë e Veriut. Ai, në vilën Presidenciale, pritet të takohet me krerë të lartë të shtetit, me krerët e bashkësive fetare, kurse në Seshin e Shkupit do të mbajë meshën kryesore ku pritet të marrin pjesë 15 mijë njerëz.
Në Shkup janë duke u bërë përgatitjet e fundit për vizitën e Papa Françeskut më 7 Maj. Janë duke u rregulluar lokacionet ku do të qëndrojë ai, kurse po ndahen edhe biletat për të marrë pjesë në liturgjinë e shenjtë që do të mbahet në sheshin e Shkupit. Në prag të vizitës së tij në Shkup, Ati i shenjtë, përmes një video-mesazhi ju është drejtuar qytetarëve të Maqedonisë së Veriut, duke thënë se si kurrë më parë Evropa dhe Bota kanë nevojë për një kulturë të vëllazërimit dhe bashkëjetesës.
“Bukuria e veçantë e vendit tuaj është në kulturat, etnitë dhe religjionet e ndryshme. S`do mend se bashkëjetesa jo cdoherë është e lehtë, e dijmë këtë, por ia vlen të bëjmë përpjekje, ngase mozaiqet më të bukura janë ata që kanë më shumë ngjyra”, tha Papa Francesku.
Sipas paralajmërimeve Ati i Shenjtë do të takohet edhe me krerët e bashkësive fetare të Maqedonisë në Shtëpinë Përkujtimore të Nënës Terezë.
“Vizitën time ia kushtoj një shenjtoreje të madhe, bijës së vendit tuaj, Nënë Terezës, e lindur dhe e rritur në Shkup, e cila me bekimin e Zotit, u bë misionare e Mëshirës së Krishtit në botë, duke dhuruar ngushëllime dhe dinjitet të varfërve në mesin e më të varfërve”, deklaroi Papa.
Gjatë kohës zë vizitës së Papa Françeskut, në Shkup do të vlejnë regjime të posacme të lëvizjes nëpër qytet, kurse qytetarët të cilët do të dëshirojnë të të marrin pjesë në liturgjinë kryesore do të duhet të kalojnë disa kontrolle të sigurisë. Maqedonia e Veriut do të jetë vendi I 42 që do të vizitohet nga Papa Françesku./ABC News Albania 24/7
ad min10:29 | 11/10/2018
Presidenti amerikan ka kërkuar përgjigje nga Arabia Saudite lidhur me zhdukjen e gazetarit në konsullatën saudite në Stamboll. Ai thotë se do t’i shkojë deri në fund këtij rasti.
Presidenti amerikan Donald Trump ka premtuar se do t’i shkojë deri në fund çështjes së gazetarit saudit të zhdukur, Jamal Khashoggi. Kreu i Shtëpisë së Bardhë u tha reporterëve se ka biseduar me autoritetet saudite në nivelet më të lartë lidhur me rastin e bashkëpunëtorit të Uashington Post.
Khashoggi, resident në SHBA dhe kritik i monarkisë së Arabisë Saudite, hyri në konsullatën e këtij shteti në Stamboll më 2 Tetor dhe që prej asaj kohe nuk është parë. Autoritetet turke besojnë se ai është vrarë brenda selisë diplomatike. Megjithatë Arabia Saudite e mohon këtë.
“Ne nuk mund të lejojmë që kjo t’u ndodhë gazetarëve, apo çdo njeriut tjetër. Ne po kërkojmë gjithçka. Ne dëshirojmë të marrim vesh se çfarë po ndodh”, u shpreh Trump.
Shtëpia e Bardhë bëri me dije se Sekretari i Shtetit, Mike Pompeo dhe zyrtarë të tjerë kanë biseduar me Princin e Kurorës Saudite, Mohammed Bin Salman dhe kanë kërkuar detaje lidhur me situatën. Si Turqia ashtu edhe Arabia Saudite janë vende aleate me Shtetet e Bashkuara.
Ndërkohë, gjatë të mërkurës, mediat turke publikuan pamje të kamerave të sigurisë, për të cilat shkruajnë se tregojnë prova për një komplot që lidhet me zhdukjen e gazetarit. Gjithashtu treguan prova se 15 agjentë të shërbimit të inteligjencës Saudite kanë hyrë dhe janë larguar po me 2 Tetor nga Turqia përmes aeroportit të Stambollit.
Mes tyre ishte edhe një ekzpert forenzike. Dyshohet se Khashoggi është vrarë brenda konsullatës saudite, e më pas është transportuar trupi i pajetë me anë të një minifurgoni të zi. Gazetari po vizitonte konsullatën për të finalizuar divorcin e tij në mënyrë që të martohej me të fejuarën turke, Hatice Cengiz. Kësaj të fundit i ka thënë se nëse nuk kthehej të telefononte një këshilltar të presidentit turk, Rexhep Tajip Erdogan./abcnews.al
ent ela16:50 | 16/08/2018
Ngjarja e rëndë në Gjenova të Italisë ka ngjallur frikë në shumë vende të botës. Bullgaria duke marrë shkas nga kjo ka njoftuar se do të rinovojë të gjitha urat e saj.
Bullgaria ka vendosur të rinovojë më shumë se 200 ura pas rënies vdekjeprurëse të një ure në qytetin italian të Gjenovës. Kjo është bërë e ditur nga vetë qeveria e Sofies. Një total prej 211 urave – shumica e të cilave janë ndërtuar midis 35 dhe 40 vjet më parë – janë në gjendje të keqe, tha ministri i zhvillimit rajonal në një mbledhje qeveritare, sipas procesverbalit të botuar të enjten.
Kryeministri Bojko Borisov tha se të gjitha duhet të rinovohen dhe të forcohen. “Nëse financohen përmes kredive për t’u paguar përmes taksave ose nëse paguajnë me buxhet, unë dua që të gjithë të rinovohen në të njëjtën kohë”, tha ai në takimin qeveritar.
Bullgaria, vendi më i varfër në Bashkimin Evropian, ka marrë ndihmë financiare nga Evropa për dekada të tëra për të modernizuar infrastrukturën e saj. Vendi është afro katër herë më i madh se Belgjika, por ka vetëm 777 km autostradë, shumica e të cilave është në gjendje të keqe. Ura e autostradës në qytetin italian të Gjenovës u rrëzua të martën gjatë një stuhie të rëndë. /abcnews.al
ad min14:15 | 25/07/2018
Pas zjarreve, Greqia mund të përballet dhe me përmbytje si pasojë e reshjeve të dendura që priten në ditët në viji, paralajëmrimi është bërë nga autoritetet bullgare, të cilat i kanë bërë apel Turqisë dhe Greqisë të marrin masa.
Autoritetet në Bullgari paralajmëruan Greqinë dhe Turqinë se mund të përballen me përmbytje pas reshjeve të dendura që pritet të furnizojnë me ujë lumenjtë Arda dhe Maritsa.
Lajmi vjen ndërkohë që Greqia ende po përballet me pasojat e zjarreve tragjike që shkaktuan dhjetra viktima dhe të plagosur, ndërkohë që shumë të tjerë rezultojnë të zhdukur. Lumi Arda mund të dalë nga shtrati në ditët e ardhshme për shkak të reshjeve që priten të ndodhin, deklaroi Ministria e Jashtme e Bullgarisë.
Lumi Arda mund t’i bashkohet lumit Maritsa në lindje të Greqisë në kufi me Turqinë. Autoritetet e Bullgarisë kanë shpallur gjendjen e jashtëzakonshme. Një person humbi jetën të martën si pasojë e përmbytjeve në qytetin Teteven./abcnews.al
ad min21:37 | 21/05/2018
Qeveria bullgare ka njoftuar se u është rikthyer planeve për riaktivizimin e çentraleve bërthamore. Gjatë një vizite në Moskë, presidenti Radev ka deklaruar se Rusia është e mirëpritur të marrë pjesë në projekt.
Bullgaria i është rikthyer planit të saj për zhvillimin e një impianti bërthamor dhe ka deklaruar se Rusia është e mirëpritur t’i bashkohet projektit. Ka qenë presidenti Rumen Radev që ka pëcjellë mesazhin pas një takimi të mbajtur me kryeministrin rus Dmitry Medvedev në Moskë.
Qeveria bullgare anuloi planin për impiantin prej 2 mijë megaëatt në vitin 2012 pasi dështoi në gjetjen e investitorëve. Vendi u përball gjithashtu me presionin e Uashingtonit dhe Brukselit, që kërkonin reduktimin e vartësisë energjitike nga Rusia, që ishte kontraktuar për të ndërtuar çentralin. Por javën e kaluar qeveria në Sofie vendosi t’i kërkojë Parlamentit që të shfuqizojë ligjin që i ndalon zhvillimin e projektit bërthamor.
“Ne i kemi bërë publike planet tona dhe kjo nënkupton edhe pjesëmarrjen e Rusisë në to”, tha Radev.
Radev shtoi gjithashtu se shpreson që bisedimet për depërtimin direkt të gazit rus në Bullgari të mund të rifillojnë. 6 vjet më parë, kur anuloi projektin, Bullgarisë iu desh t’i paguante mbi 620 milionë euro kompanisë shtetërore ruse të energjisë atomike “Rosatom”, por siguroi aparatura për reaktorë më fuqi 1 mijë megaëat secili. Ndaj tani, vendi anëtar i BE-së duhet të vendosë se çfarë do të bëjë./abcnews.al
ad min15:34 | 02/01/2018
Bullgaria merr kryesimin e Presidencës së Këshillit të BAshkimit Europian, Presidenti i kosovës Hashim Thaci dhe kryeministri Haradinaj, shprehen shumë optimistë për faktin se vendi do të jetë një zë i fuqishëm për Kosovën në BE.
Presidenti dhe kryeministri i Kosovës kanë pritshmëri të larta nga Presidenca bullgare e BE. Hashim Thaçi në një postim në profilin e tij në facebook, teksa uron Bullgarinë për marrjen e kryesimit të Presidencës së Këshillit të BE-së, kërkon vëmendje më të madhe për rajonin e Ballkanit Perëndimor. Ai shton se zëri i Ballkanit Perëndimor tashmë do të dëgjohet më shumë në Bruksel dhe BE, duke mos lejuar që rajoni t’iu ikë nga duart dhe të rrëshqasë në interesat e shteteve dhe ideologjive që nuk ia duan të mirën Ballkanit dhe Evropës. presidenti i Kosovës mbështeti promovimin e integrimit sa më të shpejtë të Ballkanit Perëndimor në BE, si zgjidhje e vetme për paqe të qëndrueshme në tërë kontinentin.
Edhe kryeministri Haradinaj thotë se pret nga Bullgaria të jetë zë i Kosovës në strukturat e BE. Ai e konsideroi shtetin si një vend mik i cili do të fokusohet në përafrimin e Ballkanit Perëndimor me BE-në./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
