Më pas, Rama ka vizituar të lënduarit që po marrin mjekim në spitalin e traumës, duke i siguruar se çdo dëmtim do të verifikohet. Ndërsa në Qendrën Kombëtare të Urgjencës Mjekësore, kreu i qeverisë u njoh me masat që janë marrë dhe angazhimin e tyre për të shërbyer është 24 orë në 24.
“Çdo dëmtim do të verifikohet. Njerëzit nuk duhet të shqetësohen për plasaritjet e mureve apo shenja të dukshme në sipërfaqen e banesave dhe pallateve sepse jo domosdoshmërisht ato janë shenja kërcënuese. Përgjithësisht janë sipërfaqësore.
Edhe në qofshin të rrezikshme nuk ka rrezik eminent që një krisje e dukshme të shoqërohet me një hapje në dysh të strukturës. Çdo godinë, qoftë shtëpi, aoftë pallat, do të verifikohet nga specialistët për të dhënë konkluzione për të thënë nëse është një plasaritje, problem strukturor apo diçka e sipërfaqshme dhe pastaj do ndërhyhet një nga një për të riparuar dëmet. Nuk ka vend për panik”, tha Rama./ABC News Albania 24/7
