Manchester United hasi shumë vështirësi për të mposhtur kazakët e Astanës. Ekipit të Ole Gunnar Solskjaer i mjaftoi një gol i talentit Mason Greenwood për të siguruar tre pikët e para në Europa League. 17-vjeçari është shpresa e madhe e United dhe për t’i siguruar atij minuta dhe një rritje si futbollist e njeri, u lejua largimi i dyshes Lukaku-Sanchez drejt Interit.
Trajneri i Manchesterit shpjegon vendimet e marra dhe për momentin gjithçka po shkon sipas planit. Potenciali i Greenwood është i madh dhe Solskjaer, i cili punon çdo ditë me të, e di mirë se djaloshi do dhurojë të tjera emocione, gola dhe fitore për një nga klubet më të mëdha në botë.
“Vendimi për të lejuar largimet e Lukakut dhe Sanchez ishte i drejtë. Vendosëm në këtë mënyrë për t’iu dhënë më shumë hapësira lojtarëve tanë të rinj. Greenwood? Kur ai futet në zonë, ti e ndjen se diçka do të ndodhë. Nuk ka luajtur shumë deri tani, por do të ketë më shumë minuta në të ardhmen dhe do të rritet shumë. Mason do të jetë shumë i rëndësishëm për në gjatë këtij sezoni”, përfundon trajneri norvegjez i “djajve të kuq”. /abcnews.al
