Të paktën 18 persona u plagosën në një shpërthim që ndodhi më herët sot në një restorant në ishullin Filipine Mindoro.
Katër punëtorë të lokalit kanë pësuar djegie të shkallës së tretë, ndërsa klientët e dyqanit kanë pësuar lëndime të lehta.
Shpërthimi është shkaktuar nga një rrjedhje gazi. Restoranti korean që ndodhej në qendrën tregtare Xentro në qytetin Calapan pothuajse u shkatërrua.
Sipas policisë, vala goditëse theu xhamat e dyqaneve fqinje dhe 13 automjete të parkuara. /abcnews.al
