Një video prekëse tregoi momentin e parë që shimpanzeja femër 29-vjeçare Vanilla pa qiellin për herë të parë pas mbërritjes së saj në shenjtëroren Save the Chimps në Fort Pierce, Florida. Vanilja nuk kishte dalë kurrë nga kafazi dhe nuk e kishte parë kurrë qiellin.
Vanilla jetonte në një kafaz prej vetëm disa metrash katrorë që kur lindi. Ajo jetoi në Laboratorin për Mjekësi Eksperimentale dhe Kirurgji në Nju Jork (LEMSIP), deri në vitin 1997.
Më pas u zhvendos në një vend më të madh në Kaliforni, i cili u mbyll në vitin 2019 kur u kërcënua nga zjarret.
Vitin e kaluar, streha e shimpanzeve u organizua me FedEx për ta transportuar atë dhe ekipin e saj në një zonë prej 150 hektarësh.
Në videon që po bën xhiron e internetit, Vanilja shihet duke dalë në diell dhe duke u lënë me gojë hapur. Ajo përshëndetet menjëherë nga shimpanzetë e tjera që i afrohen duke dashur t’i tregojnë zonën, ndërsa ajo vazhdon entuziaste në zonën e strehës./abcnews.al
