Të shtëna me armë zjarri janë raportuar pak minuta më parë në qytetin e Vlorës, ky dyshohet se ka mbetur i plagosur në këmbë Tonin Ramaj, 33 vjeç, i cili është dërguar në spital dhe ndodhet jashtë rrezikut për jetën.
LEXO EDHE: Të shtëna me armë në Vlorë, dyshohet për një viktimë
Ngjarja ka ndodhur në lagjen “Pavarësia”, ndërsa ende nuk dihen shkaqet e ngjarjes dhe autorët.
Në pamje shihet se policia ka mbërritur në vendin e ngjarjes dhe po rrethon zonën.
Njoftimi i policisë:
Vlorë/Informacion paraprak
Sot rreth orës 12:25, në lagjen “Pavarsia 3”, dyshohet se në rrethana ende të paqarta, është plagosur me armë zjarri shtetasi T. R (H), 33 vjeç, banues në Vlorë, i cili ndodhet nën kujdesin e mjekëve.
Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit.
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit.r.t/abcnews.al
