Klubet arabe po vazhdojnë të shpenzojnë në mënyrë të shfrenuar paratë e tyre këtë merkato vere, teksa po nënshkruajnë pa ndalim me lojtarë cilësore e me eksperiencë nga futbolli evropian.
Sipas raportimeve më të fundit nga gazetari italian i futbollit, Rudy Galleti, pas sigurimit të shërbimeve të Marcel Brozovic e Hakim Ziyech, “gjigandët” e Al-Nassr tashmë kërkojnë të “rrëmbejnë” objektivin e “kuqezinjve” të Milan në këtë merkato vere.
Bëhet fjalë për mesfushorin nga Bregu i Fildishtë i francezëve të Lens, Seko Fofana, me 28-vjeçarin që ka “hipnotizuar” bordin e Milan, si dhe teknikun Pioli me paraqitjet e tij sezonin që sapo lamë pas.
Fofana vlerësohet në 35 milionë euro nga klubi, shifër kjo jo pak e vogël për “kuqezinjtë” e Milanos, mirëpo duke parë statistikat e mesfushorit, 9 gola dhe 6 asistime në 39 përballje, duket se performanca justifikon çmimin. /i.m /abcnews.al
