Pas një periudhe të nxehtë diskutimesh dhe thashethemesh merkatoje, ku përflitej se Messi ishte shumë pranë kalimit në Arabinë Saudite për një shifër të frikshme, ndodhi komplet e kundërta dhe argjentinasi zgjodhi të transferohej te Inter Miami në Amerikë dhe jo në vendin aziatik.
Së fundmi, sipas një artikulli nga “New York Times”, Leo Messi dhe Arabia Saudite kanë lidhur një kontratë së bashku, ku sigurisht shtatë herë fituesi i topit të artë do të përfitojë një shumë prej 25 milionë eurove.
Sipas kontratës, Messi duhet të promovojë turizimin e Arabisë në rrjetet sociale duke shkuar edhe duke e vizituar këtë vend. Pra ai duhet të udhëtojë drejt Arabisë të paktën një herë në vit, dhe të postojë në Instagramin e tij pamje të ndryshme nga pushimet e tij.
Ylli argjentinas do të përfitojë 2 milionë dollarë nëse qëndron 5 ditë në Arabi si edhe të gjitha shpenzimet do të paguhen nga qeveria për një delegacion shoqërues deri në 20 persona./ h.ll/abcnews.al
