Gjykata e Janinës do të vendosë nëse do të ekstradohet në Shqipëri i shumëkërkuari Laert Haxhiu, i dyshuar si atentatori kryesor masakrës së Lushnjes.
Gazetari Ermal Vija raporton për ABC News se dosja e prokurorisë së Posaçme dhe e gjykatës së Lushnjës në lidhje me dy veprat penale për të cilat akuzohet Laert Haxhiu, një vrasje e mbetur në tentativë në 2016 dhe vrasja e dy personave në 2017 janë dorëzuar në gjykatën e Janinës.
Haxhiu ka qenë i shpallur në kërkim dhe arrestimi i tij është bërë në Greqi.
Ndërkohë ai i ka kërkuar gjykatës atje se për shkak të përplasjeve me bandat ë zonën e Lushnjës i rrezikohet jeta ndaj pritet që të shikohet nëse do të pranohet apo jo kërkesa e tij për të mos u ekstraduar në Shqipëri
Ndërkaq me 20 qershor pritet dhe vendimi i gjykatës së Janinës nëse do ta ktheje apo do të pranojë kërkesën e Haxhiut për azil. /abcnews.al
