Ministri i Jashtëm i sapoemëruar i Turqisë, Hakan Fidan, mori detyrën e ministrit nga paraardhësi i tij Mevlüt Çavuşoğlu të hënën. Fidan, i cili ishte shef i Agjencisë Kombëtare të Inteligjencës (MIT) që nga viti 2010, u emërua ministër i Jashtëm nga presidenti Recep Tayyip Erdoğan.
Hakan Fidan’ın, Mevlüt Çavuşoğlu’ndan görevi devraldığı andaki konuşması: pic.twitter.com/dNPgFvyW6I
— Ayandon (@ayandoncomtr) June 5, 2023
Erdogan prezantoi të shtunën kabinetin e tij të ri pas ceremonisë së betimit dhe inaugurimit në parlament në kompleksin presidencial në kryeqytetin Ankara. Ministrat e Jashtëm nga e gjithë bota i uruan Fidan-it për emërimin e tij.
Fidan, 55-vjeç, u emërua shef i MIT nga kryeministri i atëhershëm Erdoğan në maj të vitit 2010. Përpara emërimit të tij në MIT, Fidan punonte në zyrën e Erdoğan-it si zëvendës nënsekretar.
29 Ağustos 2014’te devraldığım Türkiye Cumhuriyeti Dışişleri Bakanlığı görevini bugün kardeşim ve dava arkadaşım Hakan Fidan’a devretmenin huzuru ve mutluluğu içerisindeyim.
Bu şerefli görev süresince birlikte çalıştığımız; dünyanın gıpta ile baktığı Türk diplomatlarına ve tüm… pic.twitter.com/KdgaBJQz19
— Mevlüt Çavuşoğlu (@MevlutCavusoglu) June 5, 2023
Ai është i martuar dhe ka tre fëmijë. Fidan u zotua të vazhdojë të promovojë vizionin e një politike të jashtme kombëtare të bazuar në sovranitetin e vullnetit të kombit.
Nga ana e tij, Çavuşoğlu tha se gjatë mandatit të tij ka ndjekur një politikë të jashtme sipërmarrëse dhe humanitare dhe ka mbrojtur interesat e Turqisë në mbarë botën.
“Flamurin e Ministrisë së Jashtme, të cilin e mbajta për 8 vjet, 6 muaj e 13 ditë, ia dorëzoj vëllait tim Hakan Fidan”, shtoi ai.
Sipas gazetës Hurryiet, tema kryesore në axhendën e tij janë marrëdhëniet greko-turke.
“Në Greqi, ku zgjedhjet do të mbahen më 25 qershor, konsiderohet e sigurt rizgjedhja e ish-kryeministrit Kyriakos Mitsotakis.
Pas formimit të qeverisë së re, si Athina ashtu edhe Ankaraja pritet të ruajnë klimën e butë që erdhi si pasojë e termeteve”, theksohet në raportin përkatës, në të cilin përmenden edhe prioritetet e tjera të Fidanit, si anëtarësimi i Suedisë në NATO, marrëdhëniet me Rusinë duke pasur parasysh pushtimin e Ukrainës, çështja e F-16 me Uashingtonin, dislokimi i trupave në Kosovë, normalizimi i marrëdhëniet me vendet e Gjirit, marrëdhëniet me Armeninë dhe aktivitetin në Siri.
/abcnews.al
