Greqia

Trajneri-i-Greqise.jpg
Veronik Istrefaj20:44 | 03/03/2020

Trajneri i Greqisë, John van t’Schip, foli për Supersport pas hedhjes së shortit. Në grup me Greqinë, është Kosova dhe strategu holandez tha se rivaliteti i kahershëm mes shqiptarëve dhe grekëve, do të mbetet vetëm në fushën e lojës.

“Mendoj se do të jetë një takim i vështirë, ne si Greqia jemi në një periudhë tranzicioni dhe gjithçka do të varet nga përgatitja. Nëse përgatitemi mirë, do të kemi mundësi. Në këtë fazë, nuk ka ndeshje të lehta dhe Kosova është një skuadër shumë e mirë.

Rivaliteti mes Shqipërisë dhe Greqisë? Mendoj se rivaliteti është gjithmonë i mirë, sjell diçka ekstra. Shpresoj që ky rivalitet të jetë vetëm në fushë, të kemi një ndeshje të mirë në fushë kundër Kosovës. Shpresoj që ne të jemi fituesit në fund”, tha van t’Schip./abcnews.al

ESLBwFJXYAAU1Mh.jpg
Autor E14:02 | 03/03/2020

Turqia në mënyrë të përsëritur akuzon rojet bregdetare turke se kanë kryer një seri manovrash në det në përpjekje për të fundosur një gomone me emigrantë që ishte drejtuar për në ishujt grekë nga bregu turk i Bodrum, nga ku ishte nisur.

Sipas autoriteve turke, që kanë publikuar pamjet e asaj që ka ndodhur, ndaj emigrantëve është qëlluar dhe me armë zjarri si dhe janë përdorur shkopinj për të larguar gomonen. Por më pas emigrantët janë ndihmuar nga rojet bregdetare turke.

Autoritetet greke kanë ndërmarrë një sërë masash për të përforcuar kontrollet në kufijtë detarë dhe tokësorë pasi Ankara vendosi të lejojë kalimin e emigrantëve që synojnë vendete Bashkimit Europian. Por kjo nuk ka mjaftuarpër të ndaluar mbërritjet, të paktën një mijë emigrantë dy ditët e fundit.

Ndërkhë dhe në kufirin tokësor Greqi – Bullgari vazhdojnë të drejohen në kushte të dëshpëruara me mijërapersona: të paktën 13 mijë sipas organizatës ndërkombëtare të emigrantëve dhe 130 mijë sipas Turqisë. Autoritetet greke gjithashtu kanë arrestuar rreth 200 persona të akuzuar se kanë kaluar pa autorizim kufirin me Turqinë.

Dënimet e para janë dhënë orët e fundit: katër vjet burg dhe 10 mijë euro gjobë.

Kancelari austriak Sebastian Kurz e cilësoi si një sulm të Turqisë ndaj Europës vendimin e Ankarasë për të lejuar kalimin e emigrantëve drejt vendeve të Bashkimit Europian. /abcnews.al

abc-story-Xhafo-Fredi.jpg
nev ila20:59 | 15/02/2020

Gazetari i ABC News Ferdinand Dervishi ishte i ftuar, ditën e sotme, në studio me gazetarin Endri Xhafo.

Dervishi dha disa informacione në lidhje me përmbajtjen e dokumentarit më të fundit të ABC Story, që do të jepet premierë sonte.

Në material për herë të parë sqarohen të thjeshtësuara se cilat ishin vijat e kuqe, të Gjykates Kushtetuese, që rrëzuan marrëveshjen e parë me qeverinë greke, për delimitimin e zonës detare, dhe që tashmë duhet të respektohen në një marrëveshje të dytë.

Po kështu, për herë të parë, sillet një studim i panjohur i shkencëtarëve greke i vitit 2003, që del në konkluzionin e sasive të mëdha eventuale nafte, apo gazi, pikërisht në nën detin Jon, aty ky ata këmbëngulin të përcaktojnë kufijtë detarë.

Në material i kushtohet vëmendje edhe pjesës politike të çështjes, përse grekët nxitojnë të nënshkruajnë një marrëveshje me shqiptarët, cila është strategjia e tyre, dhe roli i Turqisë në pezullimin e këtij pakti detar, mes Shqipërisë dhe Greqisë.

“Dokumentari përqendrohet në 3 çështje. Gjeta krejt rastësisht një material të 2003, i futur në një revistë shkencore gjeologjike greke me tiutull: Fushat e naftës dhe gazit në Shqipëri, a ekzistojnë fusha ekuivalente në Greqi? Pra shkencëtarët grekë kanë bërë një studim të tillë. Grekët nuk kanë naftë dhe gaz, ne kemi.

Materiali shkencor ishte shoqëruar me harta shumë interesante. Në kapitullin e konkluzioneve thuhet: Greqia perëndimore dhe Shqipëria kanë kaluar nëpër histori të ngjashme gjeologjike, dhe për këtë arsye mund të kenë rezerva të krahasueshme në hidrokarbure.

Që do të thotë se, sa ka Shqipëria pasuri në hidrokarbure, duhet ti ketë edhe Greqia, sepse sipas tyre është e njëjta zonë gjeologjike. Ata thonë se “Antiklinet”, që janë formacione të favorshme për zbulimin e naftës dhe gazit, gjenden përgjatë linjës Vlorë-Elbasan. Ata kanë parë se, 8 nga 10 fushat naftëmbajtëse në Shqipëri shtrihen në një linjë të stërgjatur, që përshkon nëndetin Jon, dhe shkon deri në Italinë jugore.

Më tej thonë se, 3 fusha me hidrokarbure, eventualisht identifikohen në Greqinë perëndimore. Më tej theksojnë se ndoshta pika më e fortë për të gjetur naftë, është zona në det të hapur, në drejtim të zonës preapuljane. Ky ishte fakti që më shtyu të kërkoja më shumë dhe të bëja këtë dokumentar.

Duket grekët me këtë studim, duan të kenë naftën e tyre. Dua t’ju them se në vitin 2007, qeveria greke bën një marrëveshje me qeverinë shqiptare, të asaj kohe, për delimitimin e detit, ndërkohë që Shqipëria kishte kërkuar delimitimin me Greqinë që në vitin 1991 kur përcaktoi kufirin detar me Italinë, por për arsye të ndryshme Greqia nuk ishte e interesuar. Krejt rastësisht shteti grek u shfaq i interesuar për këtë në vitin 2007 .

Në dokumentar e kemi trajtuar këtë çështje edhe nga ana politike”, tha Dervishi.

Kujtojmë që më tepër detaje dhe fakte në lidhje me temën, mund të ndiqni dokumentarin “Kush e bllokon Paktin Detar me Greqinë” në ABC Story, mbrëmjen e sotme rreth orës 22.15, në ekranin e ABC News./abcnews.al

ptis.png
Autor E09:13 | 14/02/2020

Greqia ka filluar të marrë masa të tjera në lidhje me emigrantët ilegalë në vendin e tyre.

Ministria për Mbrojtjen e Qytetarëve po merr shërbimet e një kompanie charteresh për të dërguar pakistanezët në vendin e tyre të origjinës.

Siç raporton Protothema, ata dërgohen nga 20 për çdo fluturim, ndërsa në Greqi është shprehur shqetësimi se kjo ka kosto të mëdha për vendin sepse për një fluturim duhet të paguajnë nga 170 000 euro, shkruan abcnews.al.

Ishujt e Greqisë janë mbushur me emigrantë të paligjshëm gjatë viteve të fundit për shkak të luftrave të Lindjen e Mesme si edhe presionit nga BE për të mos i lejuar që të futën në veri në Europës ku është edhe destinacioni final i tyre. /abcnews.al

08046476.jpg
Autor E13:53 | 01/02/2020

Situata mes Turqisë dhe Greqisë është tensionuar. Athina po e forcon praninë ushtarake në kufirin e lumit Evro. Në këtë zonë ka kohë që gjendja po agravon.

Thanasis Kamilaris është peshkatar dhe e njeh mirë deltën e Evros. Këtu lumi mes Turqisë dhe Greqisë derdhet në veri të detit Egje. Delta e lumit kufitar ka rëndësi të madhe për florën dhe faunën me një sipërfaqe prej gjithsej 200 km katrorë. Rrjeti i kanaleve, lumenjve anësorë dhe lagunave është i vështirë të kontrollohet. Edhe për këtë arsye Ministria e Mbrojtjes ka kërkuar mbështetjen e peshkatarëve të zonës, që po pajisen prej ushtrisë duke u kthyer në si të thuash “gardistë kombëtarë” dhe po marrin funksionin e rojeve të kufirit. Por gradualisht situata po ndërlikohet për Thanasis Kamilaris dhe kolegët e tij.

Atakime nga Turqia?

Vazhdimisht ndodhin konflikte mes ushtarëve turq të kufirit dhe peshkatarëve grekë. “Ata na kërcënojnë ne edhe në territorin shtetëror grek”, thotë Kamilaris: “Unë isha në lumë dhe desha të hedh rrjetat e mia të peshkimit. Më erdhën ushtarët turq nga ana tjetër. Ata menjëherë më vunë në shënjestër me armë dhe më thanë: Këtu është Turqi. Por unë isha i sigurtë që ndodhesha 100 metra larg kufirit.”

Türkei Griechenland Grenzfluss EvrosThanasis Kamilaris, peshkatar grek

Një peshkatar tjetër ata e kanë arrestuar dhe i konfiskuan barkën, thotë kolegu Vasilis Vitsas: “Për turqit ky është biznes. Për të fituar sërish lirinë, duhet të paguash 5.000 Euro. Në rast të kundërt të mbajnë në burg për një gjysmë viti. Kolegut tonë iu desh të paguajë edhe 4.000 Euro për një avokat, që të ndiqte procesin në një gjykatë turke që t’i rikthehej mjeti i peshkimit.” Por për raste të tilla askush nuk flet, madje as në media nuk raportohet.

“E gjitha nisi që nga dita e tentativës për puç në Turqi”, kujton Kamilaris. Përpara nuk ka pasur asnjë problem. “Turqit vinin dhe peshkonin edhe ne peshkonim, çdo gjë ishte në rregull. Madje ne bisedonim me njeri-tjetrin. Me njerëzit matanë kufirit nuk kemi asnjë problem. Madje ushtarët na përshëndesnin.” Por me tensionet në politikën e brendëshme në Turqi filluan edhe tensionet në deltën e Evros.

“Ne jemi syri i ushtrisë”

Peshkatarët ndihen të lënë vetëm: “Nëse nuk do të ishim ne këtu, atëherë e gjithë kjo zonë prje kohësh do të ishte bërë turke”, mendon Vasilis Vitsas. Vetëm kur policia greke dhe ushtria patrullojnë bashkarisht, ushtarët turq të kufirit i lenë ata të qetë. Por kjo nuk mjafton, vëren Thanasis Kamilaris: “Ne peshkatarët jemi syri i ushtrisë dhe i policisë. Ne përpiqemi me çdo mënyrë që ta ruajmë zonën greke në këtë pjesë të lumit.” Peshkatarët e Evros shpresojnë tani për ndihma nga Athina.

Qeveria e kryeministrit Kyriakos Mitsotakis i fitoi zgjedhjet e parakohshme në korrik të vitit të kaluar ndër të tjera duke premtuar, se do të rrisë masat e sigurisë në vend. Pjesë e këtij plani është edhe kufizimi i numrit të refugjatëve në kufijtë e vendit mes Greqisë dhe Turqisë.

Me patrullat e përbashkëta të policisë dhe të ushtrisë qeveria që nga dhjetori përpiqet „ta mbyllë” kufirin turko-grek dhe të ndalë numrin në rritje të refugjatëve. 400 roje kufitare do të dërgohen shtesë në Evros. Kryeministri Kyriakos Mitsotakis thekson, se masat ushtarake po merren për shkak të refugjatëve. Por refugjatët vijnë që nga vitet 1990 dhe sipas të dhënave të peshkatarëve numri i tyre në deltën e Evros gjatë viteve të fundit është në rënie.

Türkei Griechenland Grenzfluss Evros (DW/F. Schmitz)Kufiri greko-turk në deltën e Evros

Periudhë e akullt mes Athinës dhe Ankarasë

Përforcimi i pranisë ushtarake në kufi ndodh në një kohë, kur marrëdhëniet mes Athinës dhe Ankarasë kanë rënë në një pikë të thellë krize. Grindja për gazin natyror para brigjeve të Qipros dhe veprimi i mëvetësishëm i Ankarasë me Libinë e përkeqësojnë edhe më shumë atmosferën e këtyre marrëdhënieve. Vazhdimisht në kufirin turko-grek ndodhin incidente. Disa herë në ditë aviacioni turk depërton në territorin grek. Natën e tentativës për puç tetë oficerë u arratisën nga Turqia dhe kërkuan azil në Greqi. Presidenti turk Rexhep Tayip Erdogan i kërkoi qeverisë greke ekstradimin e tetë oficerëve. Gjykata supreme në Athinë refuzoi, sepse në Turqi atyre nuk mund t’u garantohet një proces korrekt.

Në shkurt 2018 pati një përshkallëzim të mëtejshëm kur dy ushtarë grekë gjatë një patrullimi në afërsi të zonës kufitare Kastanies u arrestuan prej ushtarëve turq, sepse kishin kaluar një pikë të shënuar disa metra brenda kufirit në territroin turk. Mbi pesë muaj ushtarët u mbajtën në burg në Turqi në dyshimin për spiunazh, ndërsa qeveria turke bënte të qartë, se ishte e interesuar për shkëmbimin e ushtarëve me oficerët turq të arratisur në Greqi.

Türkei Griechenland Grenzfluss EvrosPatrullat e policisë dhe ushtrisë greke në Evros

Shumë druajnë se mund të ketë një përshkallëzim me Turqinë, e madje eventualisht edhe ushtarakisht. Sotiris Serbos, profesor për politikën ndërkombëtare në Universitetin e Trakës mendon se përgjegjësia është kryesisht e presidenti turk Erdogan. “Nëse Ankaraja pret të ketë avantazhe prej ashpërsimit të konfliktit, atëherë ajo do ta nxisë vetë atë. Vetëdija e Erdoganit është forcuar edhe më shumë pas angazhimit turk në Siri. Presidenti turk do të luajë me kartën gjeopolitike për aq kohë, sa ai të arrijë një konsensus në politikën transatlantike. Europa duhet të kuptojë një gjë: “Ka shumë probleme dhe përçarje në Turqi, por nacionalizmi e bashkon këtë vend e po ashtu edhe ushtria.”

Serbos tensionet mes Ankarasë dhe Athinës i konsideron edhe si pasojë e një politike europiane, në të cilën nuk flitet me një zë: “Ne na duhet një Europë, që të mendojë në kategori gjeopolitke dhe Turqia duhet të integrohet si partnere. Duhet të gjenden zgjidhje, prej të cilave të përfitojnë të dyja palët. Greqia mund të luajë një rol kyç duke hapur një kapitull të ri në marrëdhëniet mes Turqisë dhe BE-së.” Konfliktet e brendshme europiane, në të cilat vihen në plan të parë interesat shtetërore të vendeve të veçanta, e bëjnë të pamundur një strategji të përbashkët në raport me Turqinë. “Erdogani do të preferonte një kompromis bilateral. Europa duhet ta përcaktojë në këtë drejtim agjendën dhe jo Turqia.” DW

3000-1280x853.jpeg
So Nila19:18 | 30/01/2020

Rritja e fluksit të emigrantëve të paligjshëm ka bërë që greqia së fundmi të marrë masa shtesë në kuadër të parandalimit të lëvizjes së tyre.

Mediat raportojnë se Greqia po planifikon të vendosë një barrierë lundruese në Deti Egje, për të parandaluar mbërritjen e emigrantëve dhe refugjatëve nga Turqia.

Gjatë viteve të fundit Greqia ka shërbyer si një portë hyrëse për në Bashkimin Evropian, për më shumë se një milionë refugjatë sirianë dhe migrantë të tjerë. Derisa një marrëveshje me Turqinë ka ulur ndjeshëm numrin e refugjatëve, që nga viti 2016, ishujt grekë ende po përballen me kampe të mbipopulluara.

Ndërkohë mediat vendase bëjnë me dije se autoritetet greke po planifikojnë që ta blejnë pengesën me gjatësi 2.7 kilometra e cila do të vendoset në det – jashtë ishullit të Lesbos – ku gjendet kampi i mbipopulluar Moria.

Qeveria tashmë ka përgatitur dokumentin, përmes të cilit fton kompanitë ofertuese të bëjnë propozimet për shitjen e pengesës./abcnews.al

8f49bee55b2f89f01355976a2438ba81_XL.jpg
Autor E11:18 | 28/01/2020

Pavarësisht solidarizimit për tërmetin në provincën Elazig, dhe një paqeje 3- ditor mes Turqisë dhe Greqisë, duket se dy vendet do rifillojnë tensionet.

Ministri i Mbrojtjes, Panagiotopoulos ka deklaruar se nëse vëren se dikush po kalon vijën e kuqe të Greqisë, atëhere përgjigjia do të jetë me të gjitha mënyrat, edhe ushtarakisht.

“Çdo gjë që përbën frikë nuk do të demiltarizohet. Greqia nuk provokon, nuk dhunon dhe nuk cënon të drejtat sovrane të të tjerëve, por nuk i pëlqen të provokohet dhe t’i dhunohen të drejtat e saj.

Nëse ne shohim që vija jonë e kuqe po kalohet, kjo do të thotë se po ekzaminojmë të gjitha skenaret dhe do të duhet të reagojmë, edhe ushtarakisht’’, tha ai.

Ministri turk i mbrojtjes Hulusi tha se 16 ishuj në Egje të Greqisë po armatoseshin ilegalisht duke përbërë një kërcënim për Turqinë.

Tensionet mes Greqisë dhe Turqisë u ndezën sërish kur kjo e fundit nënshkroi marrëveshjen e kufijve detarë me Libinë për në detin Mesdhe. Greqia nuk e njeh këtë marrëveshje dhe as Bundestagu gjerman.

Një çështje tjetër delikate është dhe ajo e Qipros, kurse në Libi të dyja vendet po ndërhyjnë në kampet kundërshtare, Erdogan ka dërguar 2 mijë trupa në ndihmë të qeverisë së Al- Sarraj kurse Greqia dyshohet se po ndihmon armikun e tij, gjeneralin libian Khalifa Haftar.

kostandini.jpg
Autor E14:50 | 22/01/2020

“E vetmja mënyrë për të ruajtur paqen është që të jesh i gatshëm për luftë dhe ne duhet të përgatitemi për luftë” tha sot në Athinë Shefi i Shtabit të Përgjithshëm të Ushtrisë së Greqisë, Constantine Floros.

Ky i fundit foli për presionet që Greqia ka nga Turqia duke i quajtur ato “erëra arrogance që fryjnë mbi detin grek” duke thënë se sfida e ushtrisë greke është që të jetë e përgatitur për çdo rast, përcjell abcnews.al.

Greqia dhe Turqia janë duke u përplasur gjatë kohëve të fundit për pasuritë nëntokësore në Egje. Turqia ka filluar që të bëjë eksplorime në jug të Qipros me argumentin se vendi nuk mundet që të shfrytëzojë pasuritë pa marrë në konsideratë edhe Qipron Turke.

Sëfundmi Turqia ka lidhur edhe një marrëveshje me Libinë për hapësirën detare, gjë e cila ka shqetësuar shumë Greqinë dhe Egjiptin pasi ndërpret aksesin e grekëve në Egjeun jug-lindor dhe të egjiptianëve në egjeun qendror. /abcnews.al

201832817467759HH.jpg
Autor E10:29 | 11/01/2020

Një anije me 50 emigrantë në bord u fundos 13 milje detare në jug-perëndim të Paksos të Greqisë.

Nga të dhënat e para mësohet se për shkak të fundosjes kanë humbur jetën një numër i madh emigrantësh, ndërsa 21 prej tyre është arritur të shpëtohen nga rojet bregdetare greke.

Ndërkohë, mediat greke raportojnë për 12 të vdekur deri më tani. Mësohet se në orën 9:15 të mëngjesit të sotëm në numrin 112 ka mbërritur një thirrje për ndihmë tek autoritetet greke duke bërë që të fillojë operacioni i shpëtimit.

Në operacion janë përfshin 6 anije ardhur nga porti i Igumenicës, Korfuzi, Paksos dhe Lefkadhas.

Anije luftarake dhe 2 avionë ‘Super Puma’ janë pjesë e mega operacionit.

Ende nuk ka informacion për kombësinë e emigrantëve. /abcnews.al

kupa.jpg
Vladimir Prenga20:34 | 10/01/2020

Italia ngre trofeun e Solidaritetit. Skuadra e veteranëve “axurrë”, e drejtuar nga Gianni De Biasi, mposhti në finale ekipin e Greqisë, falë një autogoli të Ilia Kotsios. Më parë Italia kishte mposhtur Shqipërinë me penallti, pasi 30 minutat ishin mbyllur 1-1.

Greqia në krahun tjetër mposhti në gjysmëfinale ekipin e Turqisë. Një penallti vendosi ndeshjen. Karagounis nuk gaboi dhe siguroi finalen për skuadrën e tij. Më pas ndeshja me Italinë ishte tjetër histori dhe “Axurrët” triumfuan. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono