Një person është shpallur në kërkim pasi lëvizte me armë zjarri tip kallashnikov në Elbasan. Ka dyshime se personi i identifikuar, emri i të cilit nuk është bërë publik, do të kryente një vrasje. Ai u pikas nga patrulla e policisë teksa lëvizje me armën e zjarrit nëpër bulevardin e qytetit të Elbasanit.
Nga hetimet paraprake, rezulton se ky person është me predecentë të mëparshëm penalë. Gazetarja Edisona Skënderi raporton se ka dyshime se ai do të bashkëpunonte me dy persona të tjerë për të kryer vrasjen. Sakaq, policia ka edhe një pistë sa i përket personit të cilët ata kishin për qëllim të vrisnin.
Si u pikas nga policia?
Personi në fjalë ishte duke lëvizur nëpër bulebardin e qytetit. Gazetarja tha se ai e mbante të fshehur armën nën xhaketën e tij por policët, të trajnuar për identifikimin e armëve, e kanë vënë re. Pasi ai ka vënë re prezencën e patrullës së policisë ka hedhur armën dhe është larguar./abcnews.al
