Prej kohësh tashmë spanjollët e Barcelona janë në ndjekje të anësorit maroken të mbrojtjes, Noussair Mazraoui dhe sipas raportimeve të fundit nga mediat spanjolle, anësori i Bayern Munich do të largohet si huazim i thjeshtë drejt Kampionëve të La Liga gjatë merkatos së verës.
Mirëpo, pavarësisht zërave të shumtë se Mazraoui do të largohet nga Bayern Munich sezonin e ardhshëm, Drejtori sportiv i “bavarezëve”, Hasan Salihamidzic tha pas ndeshjes të së dielës kundër Schalke 04, se është i gatshëm ta mbajë lojtarin në “Allianz Arena”.
“Javët e fundit ai ka justifikuar besimin e trajnerit duke luajtur mirë. Pastaj shënoi golin e fundit ndaj Schalke. Mazraoui është një djalë i mirë, ekspert teknik dhe do të qëndrojë me ne. Jemi të lumtur që e kemi, ai ka klas të shkëlqyer”,- është shprehur Salihamidzic pas ndeshjes. /i.m /abcnews.al
