Shtatë persona janë gjymtuar e dëmtuar këtë të premte në Korçë për shkak të aksidenteve. Dy prej tyre janë fëmijë.
Dy fëmijë të moshës 11 dhe 12 vjeç plagosen në një aksident që u regjistrua në unazën e qytetit.
Ngjarja ndodhi në orët e pasdites së kësaj të premteje dhe të miturit ishin duke lëvizur në këmbë në anën tjetër të rrugës. Ata u përplasen nga një mjet, i cili udhëtonte me shpejtësi tej normave të lejuara.
Fëmijët janë jashtë rrezikut për jetën, kurse policia ndaloi drejtuesin e mjetit që shkaktoi aksidentin.
Në më pak se një orë diferencë në lagjen 4 të qytetit një i moshuar mbeti i plagosur si pasojë e përplasjes së dy mjeteve.
Edhe në këtë rast, shkak për aksidentin dyshohet shpejtësia e njërit prej mjeteve të përfshirë.
Më herët, tre persona u dëmtuan nga përplasja ballore e dy makinave në rrugën nacionale Korçë -Pogradec, në afërsi të Pirgut.
Dy prej të plagosurve në gjendje kritike për jetën janë transportuar drejt spitalit të Traumës në kryeqytet.
Aksidenti i radhës u shënua gjatë pasdites vonë në rrugën Korçë –Ersekë. Përplasja e dy mjeteve shkaktoi dëmtimin e njërit prej drejtuesve.
/ABC News Albania 24/7
