fëmijët
nev ila11:56 | 26/03/2020
Ministria e Shëndetësisë raportoi ditën e sotme se është rritur numri i të infektuarve në Shqipëri.
Në total numri i të infektuarve ka shkuar në 174 raste mes tyre edhe 4 fëmijë.
4 fëmijët janë infektuar pasi kanë patur kontakte me personat e tjerë që kanë rezultuar me Covid-19.
ABC News ndodhet pranë spitalit e Pediatrisë për të vëzhguar gjithë lëvizjet.
Sic raporton gazetarja e ABC News Erneta Shevroja për sa i përket fëmijëve që kanë rezultuar pozitiv burime jozyrtare kanë informuar se dy prej këtyre fëmijëve ndodhen në banesat e tyre nën kujdesin e prindërve.
2 fëmijët e tjerë ndodhen në pediatri por theksohet se ky informacion nuk është zyrtar.
Ndërkohë janë shtuar masat e sigurisë pranë pediatrisë në QSUT dhe një nga hyrjet e këtij spitali është bllokuar.
Ndërkohë është mësuar se ka thirrje të panumërta në numrin e urgjencës 127./abcnews.al
So Nila13:45 | 19/03/2020
Me shtimin e numrit të të prekurve nga Covid-19, prindërit po përpiqen të mbrojnë fëmijët. Në përgjithësi, simptomat kanë qenë më të lehta te fëmijët dhe ky është një qetësim për shumë prindër.
Sidoqoftë, ka ende të panjohura për virusin, ndaj edhe kërkimet vazhdojnë ende. Ja çfarë dimë deri tani.
A mund të preken fëmijët nga koronavirusi?
Po. Mund të preken dhe janë edhe në gjendje ta transmetojnë virusin, edhe nëse nuk kanë simptoma. Kjo është një asye e rëndësishme pse fëmijët duhet të qëndrojnë në shtëpi me prindërit dhe të ndjekin këshillat higjieno-sanitare.
Si ndikon koronavirusi te fëmijët?
Në përgjitësi, simptomat janë më të lehta te fëmijët. Ndikimet specifike variojnë në varësi të moshës si edhe problemeve të tjera shëndetësore.
Pjesa më e madhe e studimeve të bëra deri tani i referohen atyre të bëra për rastin e Kinës. Vetëm 2.4% e të gjitha rasteve në Kinë qenë nën 19 vjeç. Organizata Botërore e Shëndetësisë e përshkroi si një numër shumë të vogël. Sidoqoftë, po bëhen ende hulumtime.
Pse fëmijët janë më pak të prekur?
Nuk dihet ende. Dr. Jay C Butler, zëvendësdrejtor i sëmundjeve infektive në Qendrën e Kontrollit dhe Parandalimit të Sëmundjeve në SH.B.A, tha se ‘Fenomeni është vërtet domethënës”, por është i panjohur.
Personat mbi moshën 60 vjeç janë më të prekur nga sëmundjet. Simptomat janë më të rënda nëse pacienti vuan nga presioni i lartë i gjakut, kanceri, sëmundjet kardiovaskulare dhe probleme kronike me frymëmarrjen, sipas OBSH-së.
Fëmija im ka probleme kronike, a duhet të shqetësohem?
Problemet e frymëmarrjes si astma mund të shkaktojnë simptoma më të rëndë gjatë sëmundjeve virale, si gripi për shembull. Por nuk ka ende prova që koronavirusi mund të prekë fëmijët me astmë. Po kështu nuk ka prova që Covid-19 do të ndikojë negativisht te fëmijët që vuajnë me diabet. Megjithatë duhet të qëndroni vigjilentë./abcnews.al
So Nila15:59 | 09/03/2020
Sipas një studimi të kryer mbi 44 mijë njerëz nga autoritetet shëndetësore kineze, gratë kanë më pak gjasa të vdesin nga koronavirusi se burrat. Studimi i cili analizoi ndikimin te njerëzit e prekur nga Covid-19, zbuloi se vdesin 2.8% e burrave të infektuar në krahasim me 1.7% të grave.
Kur vjen puna te vdekshmëria e sëmundjes, mosha luan një rol të rëndësishëm. Po ashtu edhe seksi. Të dhënat dëshmojnë se 0.2% e fëmijëve dhe adoleshentëve vdesin nga Covid-19 në krahasim me 15% të 80-vjeçarëve e lart.
Por pse?
Ekspertët besojnë se stilet e jetesës së grave mbajnë meritën. Gratë kanë më pak gjasa të marrin infeksione të kësaj natyre që besohet se vjen si pasojë e tendencës më të ulët për të pirë duhan. Në Kinë, ku u mblodhën të dhënat, kjo hipotezë ka bazament të fortë pasi atje pinë duhan 52% e burrave në krahasim me 3% të grave.
Ekspertët përmendin edhe arsyet biologjike. Paul Hunter, profesor në University of East Anglia tha për BBC: “Gratë kanë sisteme imunitare krejt ndryshe nga burrat. Gratë kanë më shumë shanse të vuajnë nga sëmundjet autoimunitare dhe është vërtetuar se prodhojnë antitrupa më të mirë kundër gripit.”
Për sa i përket fëmijëve, besohet se prindërit i mbajnë të vegjlit larg të sëmurëve, aq më tepër në situata të tilla.
Pse vdesin njerëzit e moshuar?
Ky është një kombinim i dy gjërave – një sistem imunitar më i dobët në radhë të parë dhe trupi i cili është më pak i aftë për t’a përballuar.
Sistemi ynë imunitar dobësohet me kalimin e moshës.
A mund të infektohen fëmijët me koronavirus dhe cilat janë simptomat?
Ekzistojnë informacione shumë të kufizuara për simptomat e Covid-19 te fëmijët, por ato duket se janë të buta – ethe, hundë dhe një kollë e lehtë.
Ka pasur disa raste me komplikime më të rënda. Ata me probleme të tjera shëndetësore, të tilla si një sistem imunitar i dobët ose astmë e rëndë, janë në rrezik më të madh. Por në përgjithësi virusi duket se është më i butë te fëmijët./abcnews.al
So Nila10:30 | 04/03/2020
Një mama, fëmijët e së cilës ankoheshin për një fantazëm në shtëpinë e tyre, tregon se si zbuloi si komshiu i saj hynte nga dritarja e dhomës së vajzës.
Leah McCaw, 31 vjeç, nga Liverpool, tregon se jeta në familje u bë e padurueshme, pasi tre fëmijët e tmerrruar thonin vazhdimisht se kishin parë një ‘fantazëm’ në katin e dytë.
Pas muajve vëzhgimi, Leah ishte vetëm në shtëpi, kur zbuloi burrin në shtëpinë e saj. Ajo vrapoi dhe telefonoi policinë shkruan Abc14news
U deshën javë që policia të arresonte Peter Hornby-n, 29 vjeçar, djalin e fqinjes së Leahs.
Leah tregon se jeta, pas ndarjes nga i shoqi, nuk ishte e lehtë. “Jeta si një mama beqare nuk është e lehtë, por isha e vendosur që gjithçka të funksiononte. Gjeta një shtëpi të bukur për mua dhe 3 fëmijët e mi, ngjitur me një grua të moshuar të ëmbël.”
Gruaja jetonte vetëm dhe Leah shprehet se ajo ishte mjaft miqësore.
“Dëgjoja ndonjëherë zhurma nga shtëpia e saj apo televizorin edhe pse e kisha parë të dilte,” thotë Lea.
Më pas fëmijët e saj filluan të ankohen se kishin parë një burrë pranë dritares apo nëpër shtëpi. Ata kishin frikë dhe të shkonin në tualet vetëm.
Por një ditë, teksa ishte vetëm në shtëpi, mamaja u gjet përballë burrit ‘fantazëm’, i cili u mundua t’i mbyllte gojën, por ajo ia doli të vraponte dhe të merrte policinë.
Pas disa javëve policia arrestoi djalin e të së moshuarës, i cili kishte përdorur dritaren e vazjës së vogël për tu futur në shtëpi.
Peter Robert Hornby nuk është një emër i panjohur për policinë. Ai ka qënë i dënuar me burg për dy vite e 6 muaj për vjedhje dhe sulm.
Leah tha se më në fund është e lumtur që çdo gjë mori fund./abcnews.al
ger ta21:47 | 24/02/2020
Koronavirusi është kthyer në një rrezik që nga shpërthimi i tij në Kinë dhe përhapja në shumë vende të botës.
Paniku në vendet ku është përhapur por jo vetëm, vijon të jetë prezent prej javësh. Mirëpo, t’ua shpjegosh fëmijëve nuk është një gjë e lehtë.
Ajo që nuk duhet bërë është të heshtësh. Duhet të jemi të sinqertë, të shpjegojmë se sëmundja në disa raste, për personat me imunitet më të dobët mund të çojë në vdekje, por që në pjesën dërrmuese të situatave ajo shëron.
Tek fëmijët e vegjël virusi mund të përshkruhet si një “përbindësh i vogël” brenda trupit që lufton kundër ushtrisë sonë mbrojtëse dhe që ilaçet janë armë shtesë që ndihmojnë në këtë betejë trupin tonë.
Ndërsa, fëmijëve pak më të rritur u duhet bërë e qartë se numrat për të cilët ne flasim janë shumë të vogla, ne jemi qindra infeksione në krahasim me një popullsi prej dhjetëra miliona njerëzve. Dhe për të qenë optimistë, një “mos u mërzit, do ia dalim” duket pak, por mund t’u japë forcë të madhe fëmijëve.
nev ila20:00 | 09/02/2020
Shërbimi i Urgjencës së Pediatrisë në QSUT po përballet me fluks pacientësh prej javësh për shkak të gripit dhe virozave të stinës.
Edhe gjatë kësaj të diele numri i pacinetëve është i lartë.
Prindërit e të vegjëlve shprehen se janë të detyruar të rrinë jashtë pasi brënda ka shumë njerëz, dhe kanë frikë se fëmijët mund të marrin edhe ndonjë infeksion tjetër.
“Kemi frikë të rrimë brenda nga virozat e tjera”, thonë disa prej prindërve.
Një arsye tjetër e fluksit sipas prindërve pranë Urgjencës së Pediatrisë në QSUT, krijohet pasi janë vetëm 2 mjekë në turn, dhe është e pamundur për t’u shërbyer gjithë pacientëve që presin në radhë.
Shumica e fëmijëve që kërkojnë të marrin shërbim pranë urgjencës kanë kryesisht temperaturë dhe kollë./abcnews.al
ger ta14:40 | 09/02/2020
Një nënë me gjashtë fëmijët e saj, njëri prej tyre vetëm 1 vjeç, humbën jetën pasi zjarrri përfshiu shtëpinë e tYrë, në Mississippi të SHBA-ve, thonë zyrtarët.
Babai ishte i vetmi që u ka mbijetuar flakëve që përfshinë shtëpinë prej druri në qytetin e Clintonit. Ai u dërgua në spital i asfiksuar dhe me djegie të shkallës së dytë.
Zyrtarët lokalë thanë për mediat vendase se shkak i zjarrit mund të jetë bërë një shkëndijë elektrike. Shtëpia në Clinton , e cila është rreth 16 km nga kryeqyteti i shtetit, Xhekson, ishte ndërtuar rreth vitit 1951.
Nëna, 33 vjeçe ishte mësuese e shkollës fillore dhe fëmijët, pesë djem dhe një vajzë, ishin nga 1 një deri në 15 vjeç.
“Ata ishin vërtet njerëz të mirë … E gjithë lagjja është e tronditur për këtë ngjarje,” tha një fqinj./abcnews.al
So Nila12:12 | 31/01/2020
Stresi është bërë më i zakonshëm tani se kurrë më parë; sidomos për gratë. Punët dhe shtëpia mund të ndikojnë në shëndetin e tyre. Madje, edhe nëse ato kanë një sistem mbështetës, sërish gjithçka ndikon dhe rëndon negativisht tek to.
Një studim i ri ka treguar që shumë gra mendojnë se burrat shtojnë më shumë stres në jetën e tyre të përditshme sesa fëmijët. Sondazhi, i kryer në shtatë mijë gra nga Today, zbuloi se mesatarisht, gratë vlerësuan nivelin e tyre të stresit deri në 8.5 nga 10. Dhe 46% e tyre thanë se burrat, më shumë se fëmijët e tyre, ishin fajtorë në shtimin e nivelit të stresit.
Sipas sondazhit, shumë të anketuar mendojnë se burrat janë një fëmijë i madh dhe jo një partner i barabartë me të cilin mund të ndajnë ngarkesën e tyre të punës.
Shumë gra gjithashtu mendojnë se stresi që ato përjetojnë është shumë i ndryshëm nga ‘stresi i babit ’. Kjo i ndalon ato që ta shohin njëri-tjetrin në sy dhe të mendojnë se duhet punuar në ekip, veçanërisht kur në mes ka fëmijë. Kjo sigurisht, shton shqetësimin e tyre. Shumica e grave mendojnë se pjesa më e madhe e përgjegjësisë, përkundrejt prindërimit, bie mbi to çdo ditë, duke i lënë atyre pak kohë për të përfunduar të gjitha punët.
Ndërsa është gjithashtu e vërtetë që më shumë burra janë duke marrë role aktive në shtëpi, në mënyrë që të mund të ngrihen në këtë rast dhe të ndihmojnë partneren e tyre. Sidoqoftë, një studim tjetër zbuloi se tek një mijë e 500 baballarë të pyetur, shumë mendojnë se po ndihmojnë dhe kontribuojnë më shumë në rritjen e fëmijëve, por ata thjesht i bëjnë gjërat sipas mënyrës së tyre pa pasur nevojë për të marrë kredite vlerësimi./abcnews.al
nev ila20:27 | 19/01/2020
Studimet e fundit kanë treguar se vendi më i mirë për të rritur fëmijët nuk është Amerika, por Danimarka.
Raporti, i cili rendit vendet më të mira, vlerësoi 73 kombe dhe kjo renditje bëhet çdo vit nga studiues të Shkollës Wharton të Universitetit të Pensilvanisë.
Në këtë renditje, nuk ekziston Shqipëria.
Danimarka është njohur si vendi më i mirë për të krijuar një familje falë politikave shumë bujare për gratë që sapo kanë lindur dhe lejes së atësisë, sistemit shëndetësor dhe arsimit publik falas në këto vende.
Në vendin e dytë renditet Suedia ndërsa në të tretin Norvegjia.
Kanadaja dhe Holanda janë në pesë të parat, pasuar nga Finlanda, Zvicra, Zelanda e Re, Australia dhe Austria.
Dy vendet fqinje të Shqipërisë, Italia dhe Greqia renditen përkatësisht në vendin e 16 dhe 21.
Në listën me 73 shtetet renditen edhe dy vende të Ballkanit, Kroacia në vendin e 24 dhe Serbia në vendin e 63.
Sondazhi u krye duke pyetur më shumë se 20,000 njerëz në SH.B.A., Azi, Evropë, Lindjen e Mesme dhe Afrikë.
Pjesëmarrësit u ndanë në mënyrë të barabartë në grupe të ndryshme në mënyrë që të kishin përfaqësim të saktë për secilin komb./abcnews.al
nev ila16:42 | 15/01/2020
Në urgjencën e Pediatrisë në Qendrën Spitalore Universitare “Nënë Tereza” në Tiranë shkon për të trajtuar një sëmundje, por mund të marrësh një tjetër.
Ndërsa prindërit me fëmijë paraditen e të mërkurës hynin e dilnin për një vizitë tek mjeku përpara shërbimit punohej për të zhbllokuar pusetat e ujërave të zeza.
Era e rëndë të zinte hundët. Ndërkohë numri i pacientëve të vegjël me virozë dhe grip në 24 orët e fundit ka shkuar në 300.
Shumë prindër i drejtohen QSUT pasi kanë pak besim tek mjekët e qendrave shëndetësore. Ndërkohë specialistët pranë tyre tregojnë se tek ta mund të marrin të njëjtin shërbim.
“Kemi një shërbim të kualifikuar dhe shumë të mirë, ndoshta dhe me më shumë eksperiencë se sa një shërbim që bëhet në urgjencë. Kështu që doja ti drejtohesha të gjithë prindërve, që ti sjellin pa hezitim fëmijët pranë qendrave shëndetësore. Dhe në qendrat e tjera janë shtuar mjekët e specializuar në qendrat shëndetësore”.
Të frikësuar dhe qarkullimi i infeksioneve të shkaktuara nga meningokoku prindërit kanë kërkuar ndihmën e mjekut në shqetësimin më të parë të fëmijës, por bluzat e bardha thonë se nuk ka vend për panik ndërsa rekomandojnë.
“Kryesisht ajo që do ju rekomandoja është se prindërit ti drejtohen mjekut që në momentin e parë që konstatojnë se diçka nuk shkon te fëmija i tyre, sidomos kur janë të lodhur, të përgjumur, të këputur, nëse vërejnë disa elementë në lëkurë, dhimbje koke, të vjella, pra nëse paraqesin këtë klinikë duhet të paraqiten menjëherë te mjeku”.
Infeksionet nga meningogoku përhapen nga personi i sëmurë tek një person i shëndetshëm përmes prekjes, spërklave dhe ajrit. Higjena është këshilla kryesore e mjekëve.
“Për shkak të prirjes që kanë për të qëndruar në grup, për ti dhënë afeksion njëri-tjetrit, predispozita për përhapjen e meningjitit është më i lartë në moshën e adoleshencës. Gjithashtu të rriskuar janë edhe moshat e fëmijëve të vegjël. Rekomandohet që të bëhet vaksina tek ata persona që kanë imuno-defiçencë”.
Instituti i Shëndetit Publik pak ditë më parë konfirmoi se një person humbi jetën nga meningokoksemia ndërsa po analizohen shkaqet e dy vdekjeve të tjetra. Megjithëkëtë specialistët thonë se nuk kemi të bëjmë me epidemi dhe nuk ka vend për alarm./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
