Rusia ka intensifikuar bombardimet në Bakhmut duke shpresuar ta marrë atë deri të martën. Kështu u shpreh gjenerali ukrainas, Oleksandr Syrskyi, përgjegjës për mbrojtjen e qytetit të rrethuar, duke u zotuar të bëjë gjithçka për ta parandaluar atë.
Dita e Fitores në Rusi është 9 maji, një nga festat publike më të përkujtuara të vendit që shënon përvjetorin e fitores ndaj Gjermanisë naziste, shkruan Reuters.
Syrskyi, komandanti ukrainas i forcave tokësore, tha se forcat ruse rritën intensitetin e granatimeve me armë të rënda të qytetit, filluan të përdorin pajisje më të avancuara dhe po rigrupojnë trupat.
“Sot, është e rëndësishme të merren vendime sa më shpejt të jetë e mundur dhe të parashikohen veprimet e armikut,” theksoi ai.
“Rusët ende shpresojnë të pushtojnë qytetin deri më 9 maj. Detyra jonë është ta parandalojmë këtë”, shtoi Syrskyi./abcnews.al
