Drejtori i zyrës për Kosovën në Serbi, Petar Petkoviçka folur pas miratimit të Deklaratës për Personat e Zhdukur.
Siç raportojnë mediat në Serbi, ai ka thënë se një letër e nënshkruar nga presidenti i Serbisë, Aleksandar Vuçiç e cila mbron shtetin e Serbisë, i ishte bashkangjitur Deklaratës për Personat e Zhdukur.
“Është miratuar teksti i deklaratës për personat e zhdukur, për të cilin paraprakisht është rënë dakord në nivel teknik. E rëndësishme është se para miratimit të tekstit të deklaratës është bashkangjitur edhe një deklaratë e nënshkruar nga presidenti Aleksandar Vuçiq, ku janë sqaruar çështje të rëndësishme në lidhje me termin e përmendur në Deklaratën për Personat e Zhdukur. Kjo deklaratë konfirmon se ne kemi mbrojtur interesat e shtetit të Serbisë kur është fjala për këtë çështje”, u shpreh ai.
Petkoviç theksoi se shteti i Serbisë për më shumë se dy vjet ka insistuar në miratimin e kësaj deklarate.
