Përfaqësuesi i lartë i Bashkimit Evropian, Josep Borrell deklaroi se arritja e dakordësisë ditën e djeshme mes Kosovës dhe Serbisë për tekstin e deklaratës për personat e pagjetur, është hapi i parë drejt përmbushjes së zotimeve që të dy vendet kanë dhënë në marrëveshjet e arritura në Ohër dhe Bruksel.
Borrell u shpreh se Kosova dhe Serbia do ta miratojnë atë në nivel liderësh në takimin e ardhshëm të nivelit të lartë.
“Marrëveshja që është arritur për tekstin e deklaratës për personat e pagjetur në takimin e djeshëm të kryenegociatorëve është hapi i parë. Ne do ta miratojmë atë në nivel liderësh në takimin e ardhshëm të nivelit të lartë që do të mbledhë”, theksoi ai.
Sipas Borrell, të dyja palët duhet të shmangin çdo përshkallëzim.
The agreement they reached on the text on the declaration on missing persons during yesterday’s chief negotiators meeting is a first step.
We will endorse it at leaders level at the next high level meeting I will convene.— Josep Borrell Fontelles (@JosepBorrellF) April 5, 2023
