Disa ditë më parë në media u aludua për një kalim të teknikut Jose Mourinho nga Roma drejt “galaktikëve” të Real Madrid, mirëpo tekniku portugez ka një kontratë me “verdhekuqtë” deri në verën e vitit 2024 e mesa duket ka vendosur ta respektojë atë deri në fund.
Portugezi duket të ketë ndryshuar mendje pas takimit me drejtuesit e klubit nga kryeqyteti, me këta të fundit që së bashku me teknikun “luzitan” kanë filluar të bëjnë gati planet për sezonin e ri.
Tanimë nuk mbetet asgjë tjetër për Mourinhon veçse të mendojë se kë lojtarë dëshiron në grup, si dhe të bindë disa nga lojtarët “verdhekuq” për të qëndruar në kryeqytet, me Chris Smalling, Nemanja Matic e Paulo Dybala, që janë “gati” të largohen nga Roma. /i.m /abcnews.al
