Ndër pikat më të dobta të Liverpool këtë sezon, padyshim që është mesfusha. Fabinho, Jordan Henderson dhe Thiago Alcantara duket se janë tepër të “lodhur” pët të vazhduar “aventurat” e tyre si titullarë në “Anfield Road” dhe tashmë bordit drejtues i duhet të mendojë për afrime të reja.
Sipas asaj çka raportojnë mediat e huaja, Jude Bellingham dhe Mason Mount janë në radarët e të “kuqve”, mirëpo transferimi i tyre te gjigandët anglezë do të bëhet i mundur vetëm në rast se djemtë e drejtuar nga gjermani Jurgen Klopp, do të sigurojnë një “biletë” për sezonin e ardhshëm të UEFA Champions League.
Liverpool duhet të veprojë dhe kundra “kohës”, me “galaktikët” e Real Madrid që janë gati të bëjnë çdo gjë për Bellingham, ndërsa Mason Mount është në prag rinovimi me “blutë” e Chelsea. /i.m /abcnews.al
