Ylli i Real Madrid, Gareth Bale është drejt largimit. Madrilenët janë të gatshëm të futen në negociata për ofertat që startojnë nga 80 mln euro. Mediat në Spanjë raportojnë se skuadra e Real Madrid është e gatshme të marrë në konsideratë ofertat për Gareth Bale që startojnë nga 80 mln euro.
Trajneri Zinedine Zidane i ka idetë e qarta për sezonin e ardhshëm dhe uellsiani nuk e ka bindur francezin në turin përgatitor që madrilenët po zhvillojnë në Kanada. Pak ditë më parë ish-skuadra e uellsianit, Totenham ofroi për shërbimet e 29 – vjeçarit 60 mln euro të cilat u refuzuan menjëherë nga mbretërorët. Real Madrid shpenzoi 100 mln euro për të nënshkruar me Bale dhe kërkon minimalisht 80 mln. Sulmuesi erdhi me mjaft bujë tek madrilenët por dertimet e shpeshta e penalizuan jo pak uellsianin.
Bale ishte në merkato edhe sezonin e kaluar por largimi i Cristiano Ronaldon e motivoi futbollistin në fjalë se do të kishte më tepër hapësira në skuadër dhe do të merrte mbi supe peshën e skuadrës por ndodhi e kundërta. Minutat për 29-vjeçarin ishin me pikatore ndërkohe që Real Madrid nuk fitoi asnjë trofe ne Spanjë dhe Evrope. Destinacioni i radhës për Bale është Premier League ku spikati si futbollist. Totenham dhe Manchester United janë dy klubet favorite për të nënshkruar me sulmuesin e Real Madrid./ABC News Albania 24/7
