Me sulmet e tij vrastare dhe shpërthimet e tij fantastike në krahun e majtë të fushës, mund të themi se Vinicius Junior është një nga lojtarët më me ndikim në krijimin dhe finalizmin e aksioneve sulmuese të “galaktikëve”.
Një gjë të tillë e ka thëne dhe ish-mesfushori legjendar i Real Madrid, Guti, i cili e sheh të talentuarin brazilian si lojtarin më vendimtar të “madrilenëve”, të paktën gjatë këtij sezoni, duke e konisderuar gjithashtu dhe si një “forcë shtytëse” të skuadrës së Ancelottit.
“Gjatë gjithë sezonit Vinicius ka qenë vendimtar. Ai është lojtari në formën më të mirë dhe e gjithë skuadra e kërkon atë. Jep vetëm asistime, por edhe gola të rëndësishëm, për ekipin dhe për të. Janë gola që do t’i japin më shumë besim për të ardhmen”,- është shprehur ish-madrileni. /i.m /abcnews.al
