Përfaqësuesit rusë nuk janë ftuar të marrin pjesë në ceremoninë që do të përkujtojë nesër 78-vjetorin e çlirimit të kampit nazist të vdekjes të Aushvic-Birkenaut nga Ushtria e Kuqe, pas agresionit rus kundër Ukrainës.
“Duke pasur parasysh agresionin kundër Ukrainës së lirë dhe të pavarur, përfaqësuesit e Federatës Ruse nuk u ftuan të marrin pjesë në përkujtimin e këtij viti të përvjetorit të çlirimit të Aushvicit, që do të zhvillohet këtë të premte”, deklaroi zëdhënës i muzeut, Piotr Saëicki.
Kujtojmë që forcat sovjetike ishin të parat që iu afruan disa prej kampeve më të rëndësishme në korrik 1944.
Të befasuar nga përparimi i shpejtë sovjetik, gjermanët u përpoqën të fshihnin provat e shfarosjes duke shkatërruar çdo gjë që gjenin.
/abcnews.al
