“Mesazhi im për të dyja palët është që të përmbahen nga përshkallëzimi shtesë dhe retorika provokuese”, tha Sekretari i Përgjithshëm i NATO-s, për tensionet e krijuara prej 4 ditësh në veri të Kosovës.
Në një intervistë për France 24, Sekretari i Përgjithshëm i NATO-s, Jens Stoltenberg, ka komentuar tensionet në Kosovë dhe ka thënë se forcat e NATO-s janë në gatishmëri, si dhe se po bashkëpunojnë ngushtë me BE-në.
“NATO është shumë e fokusuar në Kosovë, në Ballkanin Perëndimor. Ne kemi një histori të gjatë, kemi ndihmuar në ndalimin e dy luftërave etnike. Fillimisht në Bosnje dhe Hercegovinë dhe më vonë në Kosovë. Natyrisht, ne jemi ende të pranishëm atje, forcat e KFOR-it numërojnë më shumë se 4000 ushtarë dhe ata luajnë një rol kyç në stabilizimin e situatës”, tha Stoltenberg.
NATO SG Jens #Stoltenberg @FRANCE24: “Russia is conducting a brutal form of warfare. It’s a way to weaponize winter and aim at millions of civilians. But I’m absolutely confident that the Ukrainians will not bend.”
▶️https://t.co/1p0tvd5aEG pic.twitter.com/gl7T3fr62b— Marc Perelman (@mperelman) December 13, 2022
“Forcat tona janë të afta, të gatshme, por edhe në gatishmëri. Ata po monitorojnë situatën me vëmendje të madhe. NATO dhe BE bashkëpunojnë shumë ngushtë dhe mesazhi im për të dyja palët është që të përmbahen nga përshkallëzimi shtesë dhe retorika provokuese. U bëj thirrje atyre. për të lehtësuar tensionet në Kosovë”, shtoi Stoltenberg.
Kujtojmë se serbët nga veriu i Kosovës kanë bllokuar rrugët kryesore në shenjë proteste kundër arrestimit të një ish-pjesëtari të policisë së Kosovës, i cili dha dorëheqje nga pozita muajin e kaluar së bashku me serbët e tjerë. KFOR-i dhe EULEX-i u bënë thirrje qytetarëve që të zhbllokojnë rrugët, por kjo ende nuk ka ndodhur.
SHBA dhe Britania e Madhe i kërkuan Serbisë që të ftojë serbët vendas që të heqin barrikadat.
/abcnews.al/
