Presidenti i Rusisë Vladimir Putin ka njoftuar se ka firmosur një dekret për vendosjen e ligjit të luftës në katër rajonet e aneksuara nga Ukraina.
Lajmin e bën të ditur agjencia shtetërore e lajmeve Tass.
Lideri rus është aktualisht i pranishëm në një mbledhje të këshillit kombëtar të sigurisë.
Putin has begun speaking. He is announcing the introduction of martial law in the four regions that were “annexed” from Ukraine.
— Andrew Roth (@Andrew__Roth) October 19, 2022
Kujtojmë se Vladimir Putin e ka shpallur zyrtarisht aneksimin e 4 rajoneve të Ukrainës në një ceremoni në Moskë.
Aneksimi i provincave lindore dhe jugore nga Rusia vjen pas asaj që Ukraina dhe vendet perëndimore thanë se ishin votime të rreme të organizuara me armë në zonat e pushtuara nga Rusia në Donetsk, Luhansk, Kherson dhe Zaporizhzhia.
Territori që kontrollon Rusia arrin në më shumë se 90,000 km katrorë, ose rreth 15% e sipërfaqes totale të Ukrainës – e barabartë me madhësinë e Hungarisë ose Portugalisë. Në shkurt, Putin njohu pavarësinë e republikave të vetëshpallura të Donetskut dhe Luhanskut. /abcnews.al/
