Në një takim me rektorët e Universiteteve Publike dhe atyre private, kryeministri Edi Rama është shprehur se kjo është hera e fundit që qeveria bën rritje pagash uniforme për universitetet.
Kreu i qeverisë, në takimin ku po diskutohet mbi procesin e rankimit të institucioneve të arsimit të lartë, u shpreh se qeveria në të ardhmen do të mbështesë ato universitete që do t’i sjellin më shumë shoqërisë dhe do të ofrojnë më shumë për studentët.
Kampuset universitare, shtoi Rama, nuk duhet të jenë vetëm, siç u shpreh ai, fjetore por duhet që të jenë edhe vendi ku biznesi takohet me universitetin për përfitime të ndërsjella.
“Ne është hera e fundit që bëjmë rritje page unifrome. Do të mbështesim më shumë ata që i sjellin më shumë shoqërisë dhe që janë në gjendje t’u ofrojnë më shumë studentëve.
Nuk do të ketë një rritje page për Universiteteve që të mos jetë një rritje e kombinuar mes ndërhyrjes së shtetit dhe nga futja si aktor në treg. Kampuset universitare sot nuk janë fjetore, pra kemi mësimin kemi edhe fjetoren por janë edhe hapësirat ku takohet universiteti me biznesin, tregun.
Në kampet universiteteve është edhe prania e bizneseve që kanë interes për të bashkëpunuar. Universiteti Bujqësor me qasjen e re, falë lidershipit të rektorit, një nga kontributet më të rëndësishme të PD rektori, do të jetë vendi ku kampusi do të sjellë aty kompani që janë të interesuara për të marrë dijen e universitetin dhe të rrisin të ardhurat e të paguajnë universitetin.” /abcnews.al/
