Një ekip ndërkombëtar astronomësh ka njoftuar zbulimin e një ekzoplaneti, TOI-1452 b, i cili ka të ngjarë të jetë i mbuluar tërësisht nga një oqean i thellë. Ekzoplaneti, i cili është më i madh se Toka në madhësi, rrotullohet rreth një ylli të vogël në konstelacionin Draco rreth 100 vite dritë nga planeti ynë.
Planeti mendohet të jetë rreth 70 për qind më i madh se Toka dhe gati pesë herë më i rëndë. Distanca e ekzoplanetit nga ylli i tij është e përshtatshme, në mënyrë që temperatura e tij të mos jetë as shumë e lartë dhe as shumë e ulët, ndaj konsiderohet e mundur të ruhet uji i lëngshëm në sipërfaqen e tij.
Provat sugjerojnë se mund të jetë një botë oqeanike. Planeti u pa për herë të parë nga teleskopi hapësinor TESS i NASA -s, i ndjekur nga vëzhgimet nga teleskopët e tjerë. “TOI-1452 b është një nga kandidatët më të mirë të plantit oqean që kemi gjetur deri më sot,” tha Charles Cantier.
Studiuesit thanë se ekzoplaneti rrotullohet rreth një ylli shumë më të vogël se dielli ynë dhe ndoshta është shkëmbor si Toka, por me një masë, rreze dhe dendësi shumë të ndryshme. Ekzoplaneti do të studiohet më tej nga teleskopi i ri i fuqishëm hapësinor James ëebb për të parë atmosferën e tij.
/abcnews.al
