Një pallat në qendër të Selanikut në Greqi është përfshirë nga zjarri ditën e sotme. Mediat fqinje raportojnë se 44 persona u shpëtuan nga shërbimet zjarrfikëse.
Njësitë zjarrfikëse janë njoftuar në orën 14:50 për një zjarr në një objekt zyre. 44 persona janë evakuar, mes tyre edhe fëmijë.
“Të gjithë janë mirë dhe për momentin po kërkojmë pjesën tjetër të pallatit për të parë nëse ka ndonjë person tjetër”, tha shefi i zjarrfikëses.
Sipas informacioneve, deri më tani janë transportuar në spital të paktën shtatë persona, pasi kanë pasur probleme me frymëmarrjen. Mes tyre dy persona të intubuar me probleme respiratore. Zjarri është vënë nën kontroll të plotë. /abcnews.al
