Erik ten Hag ka filluar me pikasjen e lojtarëve që kërkon të transferojë në “Old Trafford” gjatë merkatës së verës, për të përforcuar kështu Manchester United.
Së bashku me teknikun holandez në “Old Trafford” pritet të zbarkojnë lojtarë të Ajax, pasi Ten Hag nuk heq dorë kollaj nga futbollistët e skuadrës holandeze.
Duke njohur mirë lojtarët që ka pasur nënurdhrat e tij, timonieri i United tashm ëkërkon edhe transferimin e qendërmbrojtësit argjentinas, Lisandro Martinez.
Sipas “The telegraph” 24-vjeçari vlerësohet shumë nga ten Hag, i cili e shikon si shumë të domosdoshëm për të përforcuar repartin e mbrojtjes së djajve, pasi Martinez është i aftë të luajë në qendër të mbrojtjes, por edhe si mesfushor i fundit, teksa i përshtatet “taktikës mbrojtëse një-kundër-një” të Ten Hag.
Argjentinasi ka tre sezone të mbetura në marrëveshjen e tij me Ajaxin dhe vlerësohet në rreth 25 milionë funte. /f.a/abcnews.al
