LEZHË – Vetëm fati ka bërë që 30-vjeçari Blerim Preçi tu shpëtojë plumbave mbrëmjen e sotme. Ai ka rënë në pritë në dalje të Lezhës teksa udhëtonte me makinën e tij tip “ML”.
ABC mëson se autorët i janë afruar me një makinë tjetër dhe në momentin që kanë krijuar distancën e nevojshme kanë hapur zjarri me breshëri ndaj makinës së 28-vjeçarit nga Miloti.
Blerim Preçi sapo ka dëgjuar të shtënat ka devijuar rrugën në tentativë për tu shpëtuar plumbave dhe për pasojë makina është përplasur. Deri në këtë momente ai nuk është raportuar të jetë plagosur nga plumbat. Ndërkohë autorët janë larguar në drejtim të paditur.
Policia ndodhet në vendin e ngjarjes dhe po heton për të zbardhur të plota rrethanat e këtij atentati.
/abcnews.al/
