te shtena

52438922_401.jpg
R D08:35 | 20/02/2020

Të paktën 10 persona kanë mbetur të vrarë dhe 5 të tjerë janë plagosur rëndë në dy sulme në Gjermani. Masakra ndodhi në dy klube të frekuentuara kryesisht nga emigrantët turq dhe kurdë.

Autori i dyshuar u gjet i vdekur në shtëpinë e tij, së bashku me trupin e një personi të dytë të pajetë. Policia thotë se nuk ka autorë të tjerë, ndërsa thekson se hetimi po vazhdon. Gazeta “Bild” raporton se autori i dyshuar ishte një shtetas gjerman.  Policia dyshon se autori i krimit veproi për shkak të pikëpamjeve të tij si ekstremist i djathtë. Sipas informacioneve të kësaj gazete bëhet fjalë për viktima me origjinë kurde dhe turke.

Sulmi i parë ndodhi në lokalin ‘Midnight shisha bar’ në qendër të qytetit, ndërsa i dyti në ‘Arena Bar & Cafe’ në një lagje tjetër. Dëshmitarët raportuan se kishin dëgjuar shumë të shtëna me armë zjarri. Hanau ndodhet në tokën e Hesse, rreth njëzet kilometra larg Frankfurtit. /abcnews.al

shkodra-te-shtena.jpeg
nev ila15:00 | 12/02/2020

Të shtëna me armë zjarri raportohet të kenë ndodhur në Shkodër. ABC News ka mësuar se një person ka mbetur i plagosur ndërsa të shtënat kanë ardhur nga dy makina drejt njëra- tjetrës.

Ngjarja ka ndodhur në lagjen ‘Parrucë’ në qendër të qytetit.

Burime për ABC News njoftojnë se në rrethana ende të paqarta dy automjete kanë shkëmbyer zjarr me njëri-tjetrin.

Shkëmbimi i zjarrit ka ndodhur mes dy makinave, një autoveturë merzedes-benz dhe një fuoristrade.

Ndërkohë grupi hetimor ka shkuar në vendin e ngjarjes për të zbardhur shkaqet e të shtënave me armë.

Informacionet për persona të plagosur janë kontraditore por janë duke u verifikuar të gjitha të dhënat.

Sipas raportimit të gazetarit Simon Shkreli për abcnews.al dyshimi për persona të plagosur ka ardhur si pasojë e lëvizjeve në emergjencë të ambulancave në rrugën ku ka ndodhur ngjarja.

Ndërkohë policia ka dhënë informacionin e saj paraprak, ku thotë se të shtënat kanë qenë në ajër, dhe nuk ka persona të dëmtuar.

Njoftimi i policisë:

“Shkoder/ Informacion Paraprak

Më datë 12.02.2020, rreth orës 14:00, në vendin e quajtur Parruce, në rrethana ende të paqarta, dyshohet se një shtetas ka qëlluar në ajër me armë zjarri dhe është larguar me automjet .

Nga verifikimet e bëra nga policia nuk ka persona të dëmtuar.

Shërbimet e Policisë kanë shkuar menjëherë në vendngjarje së bashku me grupin hetimor  dhe vijon puna për sqarimin e rrethanave të ngjarjes, me qëllim identifikimin  dhe kapjen e autorit”./abcnews.al

bmw-makina-shkoder.jpg
nev ila22:52 | 05/02/2020

Të shtëna me armë janë regjistruar mbrëmjen e kësaj të mërkure në pedonalen “Kolë Idromeno” në Shkodër, ku një person ka mbetur i plagosur.

Ngjarja është regjistruar rreth orës 10:30, ku sipas të dhënave paraprake ka patur një përplasje me armë mes dy grupeve.

Nga të shtënat e shumta që ka patur, ka mbetur e plagosur Liljana Jeremia 35 vjeçe, kalimtare e rastit.

Gazetarit i ABC News Simon Shkreli raportoi se në qendër të qytetit të Shkodrës janë përplasur me armë disa persona.

Burime për abcnews.al bëjnë me dije se “shënjestër” dyshohet të ketë qenë një makinë luksoze me targa gjermane e parkuar në pedonale, por nuk ka ende informacione se kush është pronari i saj.

Forca të shumta policie kanë ngritur postblloqe, dhe janë vënë në ndjekje të autorëve të kësaj ngjarje gjithsesi rrethanat mbeten ende të paqarta./abcnews.al

b483db32-d88c-406d-a319-0017bc2dd161.jpg
Autor E09:19 | 04/02/2020

Të shtëna me armë janë dëgjuar pak më parë në Elbasan. Burime bëjnë me dije për abcnews.al se kanë mbetur tre të plagosur.

Gazetari Aldo Kozarja bën me dije se nga të dhënat e para dyshohet se një makinë është ndjekur nga Librazhdi dhe gjatë ndjekjes është qëlluar me armë.

Në vendin e ngjarjes momentalisht ndodhen prokurorë dhe oficerë të policisë gjyqësore, të cilët po hetojnë nëse kemi të bëjmë me një atentat të mirë organizuar.

Mësohet se nga përplasja me armë kanë mbetur tre të plagosur. Dy prej të plagosurve janë nisur me urgjencë drejt spitalit të Elbasanit. Njëri prej të plagosurve është punonjës policie.

allias-grabitja.jpg
nev ila22:18 | 19/01/2020

Dy persona kanë mbetur të plagosur me armë zjarri në kryeqytet.

ABC News mëson se ngjarja ka ndodhur në rrugën “Njazi Meka”, ku të shtënat me armë janë dëgjuar nga të gjithë banorët e zonës.

Nga informacionet mësohet se një çift bashkëshortësh kanë mbetur të plagosur brenda banesës së tyre.

Ngjarja është zhvilluar në sy të fëmijës së tyre.

Policia njoftoi se çifti i bashkëshortëve, kanë mbetur të plagosur, si pasojë e një grabitjeje në banesë, nga autorë të cilët janë ende të paidentifikuar.

Grupi hetimor ndodhet në vendngjarje dhe po punon për zbardhjen dhe dokumentimin e plotë të saj./abcnews.al

ad8a28d5-e0cc-4f23-a36b-9fff9ffeebcc.jpg
R D20:06 | 18/01/2020

Katër ditë pasi la qelinë, Nikollaq Çepaj (Taullaraj) mbeti i plagosur në një atentat me kallashnikov në Vlorë. Ngjarja ndodhi pasditen e sotme, në lagjen “Kushtrimi”, ku  mbeti i plagosur dhe kunati i tij Roland Cepaj, 28 vjeç. Ata po pinin kafe së bashku në një lokal të qytetit. Dëshmitarët thanë se plumbat e automatikut janë shkrehur me breshëri nga një Mercedes Benz i zi.

Burimet nga spitali thanë për Abc News se Nikollaq Cepaj është në gjendje të rëndë, pasi një plumb e ka kapur në kokë dhe disa plumba në trup. Ai aktualisht po i nënshtrohet ndërhyrjes kirurgjikale. Ndërsa Roland Çepaj është në gjendje të stabilizuar dhe raportohet se është plagosur në këmbë. Nikollaqi, apo Niko siç e thërrisnin kishte ndryshuar mbiemrin nga Taullaraj në Çepaj (mbiemri i gruas). Roland Çepaj i cili mbeti i plagosur aksidentalisht është kunati i tij.

Nikollaq Çepaj, 36 vjeç është një person me precedentë të rëndë kriminal. Në Maj 2018 ai plagosi me armë zjarri Eraldo Lazajn, 34 vjeç. Asokohe Çepaj u arrestua nga policia dhe u dënua për plagosje të rëndë me dashje. Nuk dihet ende si organet e drejtësisë (prokuroria, gjykata) e nxorën nga burgu Nikollaq Çepajn brenda1 viti e gjysmë. Policia nuk ka të dhëna për autorët e mundshëm, por dyshimet janë se atenati është për hakmarrje.

Ngjarja e 16 Majit 2018

Policia e Vlorës ka vënë në pranga autorin e plagosjes me armë zjarri në lagjen ”Pavarësia”. Në pranga ka përfunduar Nikollaq Çepaj (Taullaraj), banues në Vlorë.

Në momentin e ndalimit nga policia i sekuestrohet arma me të cilën dyshohet se ka kryer plagosjen si dhe një mjet tip BMË X5.

Ngjarja për të cilën akuzohet Çepaj ka ndodhur më datë 16.05.2018, në lagjen “Pavarësia”, brenda ambjenteve të një lokali ka plagosur më armë zjarri shtetasin Eraldo Lazaj, 34 vjeç.

Në cilësinë e provave materiale është sekuestruar arma e zjarrit tip pistoletë me të cilën dyshohet se shtetasi ka kryer plagosjen dhe 1 automjet tip BMË X5 me targa AA838DS.

Materialet hetimore do t’i referohen Prokurorisë së Rrethit Gjyqësor Vlorë, për veprat penale “Plagosje e rëndë me dashje, kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”, parashikuar nga nenet 88 e 25 dhe 278/1 të Kodit Penal.  Detaje dhe pamje nga atentati i Vlores /abcnews.al

Në foto: Nikollaq Çepaj
Në video: Dëshmia e xhaxhait të Roland Cepajt, i cili mendohet se u plagos aksidentalisht

 

d83f2a82-618c-405f-9b23-f9b4314d368b.jpg
R D19:01 | 18/01/2020

Një ngjarje e rëndë kriminale është shënuar mbrëmjen e sotme në lagjen Kushtrimi në Vlorë. Gazetari i Abc News Elton Nika raporton se ka patur të shtëna me armë brenda ambienteve të një lokali. Për pasojë dy persona kanë mbetur të plagosur.

Të plagosur në gjendje të rëndë kanë mbetur, Nikollaq (Niko) Çepaj 36 vjeç dhe Roland Çepaj, 28-vjeç. Burimet thanë se Niko Cepaj kishte lënë qelinë e burgut pak ditë më parë.

Aktualisht forca të shumta policie kanë shkuar në vendin e ngjarjes, ndërsa ambulanca trasportoi të plagosurit në spitalin rajonal të Vlorës. /abcnews.al

kei-piku-policia.jpeg
nev ila08:56 | 16/01/2020

Gjatë natës në Elbasan, ka patur të shtëna me armë zjarri, ku për pasojë ka mbetur i plagosur 23 vjeçari Kei Piu.

Siç raporton gazetari i ABC News Aldo Kozarja, deri më tani forcat policore të komisariatit të Elbasanit kanë shoqëruar disa persona si të dyshuar që mund të kenë dijeni për ngjarjen.

23 vjeçari është qëlluar pasi ka ndaluar me automjetin e tij tip “Land Rover”. Ngjarja ka ndodhur në qendër të Elbasanit. Kanë qenë forcat policore që kanë gjetur 23 vjeçarin të shtrirë  në tokë.

Nga stafi mjekësor konfirmohet se është qëlluar me 3 plumba dhe tashmë 23 vjeçari është jashtë rrezikut për jetën.

Gazetari Aldo Kozarja ka raportuar për abcnews.al se nga mënyra se si është qëlluar 23 vjeçari, policia mendon se ka qenë një atentat i mirëpërgatitur, duke parë dinamikën e ngjarjes.

Ndërkohë forca të shumta policie, kanë ngritur grupe kontrolli, dhe postblloqe në disa pika kryesore të qytetit të Elbasanit.

Por 23 vjeçari nuk është emër i panjohur për policinë e Elbasanit.

Në fakt ai njihet nga ana e policisë, por jo i skeduar për ngjarje të rënda. Kryesisht 23 vjecari ka qenë i përfshirë në ngjarje që kanë patur të bëjnë me lëndë narkotike.

Sakaq policia është fokusuar fillimisht tek kamerat e sigurisë, që ndodhen në zonën ku ka ndodhur ngjarja./abcnews.al

ngjarja-elbasan.jpg
in a07:46 | 16/01/2020

Elbasan, të shtëna me armë zjarri pas mesnatës në qendër të qytetit, për pasojë ka mbetur i plagosur 23-vjeçari Kei Piu.

Sipas të dhënave të para, 23 vjeçari ishte në lëvizje e sipër me mjetin e tij, tip “Fuoristrade” ndërsa është qëlluar me armë.

23-vjeçari Kei Piu i cili mbeti i plagosur nga të shtënat me armë zjarri ndodhet në sallën e reanimacionit në spitalin e Elbasanit.

Policia ka rrethuar vendin e ngjarjes që pas mesnate dhe ka nsiur hetimet për zbardhjen dhe identifikimin e personave të përfshirë në të./abcnews.al

vrasjaaa.jpg
ger ta07:36 | 15/01/2020

Një student 16-vjeçar u qëllua për vdekje të martën në një shkollë të mesme në Teksas, ndërsa i dyshuari u arrestua disa orë më vonë, thanë zyrtarët.

Grenita Lathan, drejtuese e përkohshme e rrethit të Pavarur të Shkollës së Houston, konfirmoi se adoleshenti i qëlluar në Shkollën e Mesme Bellaire kishte vdekur. Ajo nuk dha asnjë informacion tjetër dhe nuk mori asnjë pyetje.

Një i dyshuar dhe një person tjetër policia tha u arrestuan disa orë pas të shtënave të martën në mbrëmje. Ata thanë që asnjë informacion tjetër nuk do të lëshohej tani për tani, përfshirë detaje të mëtejshme për të shtënat në ambjentet e shkollë, dhe nëse i dyshuari ishte student./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono