“Jo dënim, por hetim”. Kjo ishte kërkesa që kryeministri Edi Rama thotë se kishte ndaj SPAK për të hetuar ish-kryeministrin Sali Berisha pasi ky i fundit është shpallur non grata nga SHBA i akuzuar për korrupsion.
Duke iu referuar deklaratave ndaj SPAK, Rama tha se nuk ishte presion ndaj drejtësisë. Një përgjigje pati edhe për ambasadoren e SHBA në Tiranë Yuri Kim, ndonëse nuk e përmendi me emër, Rama tha se askush nuk mund t’i japë leksione shqip e anglisht për ndërhyrje në punët e drejtësisë.
“S’u kemi bërë anëtarëve të kabinetit qeveritar, përkundrazi u kemi rritur taksat. Mbështetje 36 gradë për drejtësinë e re. Mbështetja jonë është domethënëse kur ne e kemi qepur gojën dhe do vazhdojmë ta mbajmë të qepur gojën. Sa herë që drejtuesit e drejtësisë do të drejtohen drejt oborrit tonë. Kjo s’ka ndodhur kurrë në historinë e Shqipërisë. Ka pasur historia e Shqipërisë ministra të pushkatuar dhe të burgosur. Por nuk ka ndodhur në historinë e këtij vendi që kush është në pushtet të qepë gojën kur drejtësia merr këdo qoftë nga rradhët e veta për ta vendosur para ligjit.
Shikoni komunikimin tim me qytetarët në rrjete sociale për të gjithë periudhën që kam komunikuar me ta, se i kam të arkivuar të gjitha diskutimet mbase një ditë do botohen një kazan i madh aty me mua në krye. Sa herë njerëzit më drejtohen mua si njeriu që shiti shpresat dhe besimin e tyre te një drejtësi e re. Dhe shikoni përgjigjet mia. Kryeministri s’është prokuror dhe as gjykatës. Qeveria garanton drejtësinë duke mos u përfshirë në punët e drejtësisë. Mua s’më jep dot askush leksione për ndërhyrjen në punët e drejtësisë. As shqip dhe as anglisht. Nuk do ta gjej një moment tjetër në historinë tonë kur një parti në pushtet ka bërë përpjekje”, tha Rama.
/abcnews.al
