Trajneri aktual i Ajax, Erik Ten Hag, do të transferohet në fund të sezonit në “Old Trafford” për t’u ulur në krye të stolit të Manchester United në Premier League, pasi do të jetë timonieri i ri i djajve në sezonin e ri.
Tekniku holandez synon që ta bëjë Unitedin një skuadër konkurruese dhe pritet të bëjë disa transferime në verë. Dëshira e parë e trajnerit holandez është mbrojtësi i majtë i Feyenoord, Tyrell Malacia.
22-vjeçari produkt i Akademisë së Feyenoordit ka pesë vite që është pjesë e ekipit të parë duke pasur paraqitje fantastike.
Holandezi mund t’i bashkohet Manchester Unitedit nëse djajtë e Kuq pranojnë të paguajnë shumën prej 20 milionë eurove për të. /f.a/abcnews.al
