Autobusët që po evakuonin civilët nga zonat e vijës së parë janë bombarduar, thotë guvernatori i rajonit të Zaporizhzhia të Ukrainës, sipas Reuters.
Oleksandr Starukh thotë se “katër fëmijë u dërguan në spital”, ndërsa ka fajësuar forcat ruse.
Më herët Presidenti i Ukrainës, Volodymyr Zelenskyy, tha se çdo kompromis me Rusinë do të duhet të hidhet në një referendum në Ukrainë.
Në një intervistë me EBU, presidenti ukrainas theksoi se i takon popullit ukrainas të vendosë për çdo kompromis, përfshirë pranimin e Ukrainës në NATO .
Zelensky përsëriti se Ukraina nuk do t’i nënshtrohej kurrë një ultimatumi nga Rusia.
Megjithatë, është e rëndësishme të theksohet se ka pasur një skepticizëm të gjerë në mesin e liderëve perëndimorë nëse Rusia po angazhohet në bisedimet e paqes me mirëbesim – mes pretendimeve se ata i kanë përdorur negociatat si një devijim ndërsa vazhdojnë të sulmojnë Ukrainën./abcnews.al/
