Bombardimet dhe shpërthimet nuk kanë parë të ndalur në Ukrainë në ditën e 12 të pushtimit rus të vendit. Luftimet kanë qene intensive në qytetin ukrainas Mykolaiv edhe këtë të hënë, shkruan CNN, me pamjet që tregojnë shpërthime të reja nga sulmet ruse.
Sipas CNN në një nga videot, të regjistruara në lagjen Korabelnyi – lagja më jugore në Mykolaiv – shihen shpërthime nga sulmet ushtarake mbi një zone të banuar.
Lexo edhe: Gjermania dhe Hungaria nuk i mbështesin sanksionet ndaj energjisë ruse
Ditët e fundit, përleshjet me zjarr midis ushtrisë ukrainase dhe ruse janë përqendruar rreth bazës ushtarake në anën juglindore të qytetit.
Në një video të postuar në Telegram, administratori rajonal për zonën e Mykolaiv, Vitali Kim, tha se rusët po tërhiqeshin pasi humbën dy tanke në një “betejë tankesh” në aeroport.
Lexo edhe: Pasojat e luftës në infrastrukturë, dëmet përllogariten deri në 10 miliardë dollarë
Kim tha gjithashtu se disa nga forcat ruse ishin evakuuar nga zona me helikopter. CNN nuk ka qenë në gjendje të verifikojë pretendimet e Kim dhe ai nuk ka ofruar asnjë provë për t’i mbështetur ato.
Një video tjetër tregon një shtëllungë të errët tymi që ngrihet nga lagjja veriore e Solyanit./abcnews.al/
