Duke folur nga Lituania, Sekretarja e Jashtme e Britanisë së Madhe Liz Truss është shprehur se Mbretëria e Bashkuar është “absolutisht e vendosur” për të vendosur sanksione ndaj oligarkëve rusë.
Ajo tha se rreth 100 individë dhe organizata janë sanksionuar tashmë dhe ka një listë të mëtejshme që po punohet. Truss u zotua se Mbretëria e Bashkuar “do të bëjë më shumë” për këtë çështje, por shtoi “duhet të sigurohemi se kemi provat e duhura”.
Ndërsa, sa i përket raportimeve se qeveria e vendit po merret me kërcënime ligjore nga disa oligarkë, ajo tha: “kërcënimet ligjore nuk do të kenë asnjë ndikim në aftësinë tonë për të sanksionuar oligarkët.”
Ajo shtoi se në takimin e ministrave të G7 nesër do të diskutohet se cilat do të jenë sanksionet që mund të vendosen më tej. /abcnews.al/
