Një radiostacion i ushtrisë ukrainase është bombarduar së fundmi nga forcat ruse. Kjo ka ardhur vetëm pak pas bombardimit që iu bë një antene televizive në Kiev nga forcat ruse ku u vranë 5 persona dhe u plagosën disa të tjerë.
Por si po shkojnë luftimet në të gjithë Ukrainën?
Kiev – Një kolonë 40 milje me mjete të blinduara ruse po vazhdon të avancojë drejt kryeqytetit. Një sulm rus në kullën televizive të Kievit – afër qendrës së qytetit – ka lënë pesë persona të vdekur.
Kharkiv – Sulmet me raketa kanë vazhduar në qytet, me një shpërthim masiv që goditi ndërtesën e administratës rajonale në sheshin kryesor të Kharkiv. Shpërthimi vrau të paktën 10 persona dhe plagosi 35.
Brovary – Një sulm ajror ka shpërthyer në flakë bazën ajrore ushtarake.
Okhtyrka – Më shumë se 70 ushtarë ukrainas thuhet se vdiqën pasi artileria ruse goditi një bazë ajrore ushtarake.
Chernihiv – Janë publikuar video që tregojnë dëme në qytetin verior. Ukraina tha se granatimet kanë goditur një ndërtesë banimi, një ndërtesë tregu dhe një çerdhe. /abcnews.al/
