Empoli humbi ditën e djeshme kundër Juventusit dhe në fushë ishin tre futbollistët shqiptarë, Ardian Ismajli, Kristian Asllani dhe Nedim Bajrami.
Ky i fundit ishte nga lojtarët me notën më të lartë tek Empoli. Gazzetta dello Sport e ka vlerësuar me notën 6, duke e konsideruar rrezik për Juventusin. Ai gjithashtu goditi edhe traversën.
Nota 5 për mesfushorin e ri Asllani, i cili sakrifikon për skuadrën, por i rëndon topi i humbur te goli i dytë i shënuar nga Juventusi.
Edhe Ismajli vlerësohet me notën 5, si rezultat edhe i paraqitjes së tërë repartit dhe tre golave të pësuar nga Empoli. / abcnews.al
