Korrespondenti i “BBC-së” në Kiev, James Waterhouse, thotë se një zyrtar i qeverisë ukrainase ka dhënë një tregues për gjerësinë e veprimit ushtarak rus deri më tani. Zyrtari thotë se ka pasur sulme me raketa të nisura këtë mëngjes në Kiev, si dhe lëvizje të trupave në Odessa në jug të vendit.
Trupat gjithashtu kanë kaluar kufirin në Kharkiv, rreth 25 milje nga kufiri rus, thotë zyrtari.
Shenjat sipas dëshmitarëve dhe zyrtarëve qeveritarë janë se kjo është diçka mjaft e madhe, thotë Waterhouse.
Ka gjithashtu raporte të shumta nga mediat lokale duke cituar Ministrinë e Brendshme të Ukrainës, e cila thotë se disa nga sulmet me raketa kanë goditur qendrat e komandës ushtarake të raketave të Ukrainës dhe selinë ushtarake në Kiev.
Ministria ruse e mbrojtjes ka mohuar të ketë sulmuar qytetet ukrainase, duke thënë se po synon infrastrukturën ushtarake, mbrojtjen ajrore dhe forcat ajrore me “armë të precizionit të lartë”.
/ abcnews.al
