Një operacion i madh policor po zhvillohet në zyrat e PAOK -ut në Selanik me qëllim gjetjen e personave të lidhur me vrasjen e Alkisit 19-vjeçar. Forcat e policisë janë nisur drejt rrugëve Papafi dhe Orestou, ndërsa e njëjta gjë ka ndodhur edhe në zonën e Evosmos. Deri më tani i arrestuar është një shqiptar ndërsa bashkëpunëtorët e tij, janë në kërkim.
Nga brenda selisë së PAOK-ut në rrugën Orestou, forcat e policisë mblodhën të paktën pesë thasë të mëdha plehrash me gjetje. Këto gjetje do të merren për shqyrtim.
Në të njëjtën kohë, Policia ka bastisur zyrate e PAOK-ut që ndodhet në stadiumin e Toumbës .
Sipas informacioneve të transmetuara nga mediat greke forca të shumta policie kanë rrethuar stadiumin e Toumbës, ndërsa në të njëjtën kohë edhe PAOK, ku janë gjetur sende metalike dhe mjete të ndryshme personale.
Pak metra larg vendit të krimit është gjetur një hanxhar, që do të kontrollohet për të përcaktuar nëse janë autorët e sulmit të përgjakshëm në Selanik, i cili solli vdekjen e 19-vjeçarit.
Arma vdekjeprurëse u gjet mëngjesin e sotëm, nga një gazetar dhe një pastruese rrugësh, në anë të rrugës, poshtë një makine të parkuar, në rrugën Nikolaou Plastira. Arma u gjet vetëm 15 metra larg shkallëve të pallatit ku mbeti i vrarë Alkis. /abcnews.al/
