Aktori i njohur, Arnold Schwarzenegger pësoi një aksident të rëndë ku makina e tij u përplas me një tjetër duke lënë të plagosur një person. Mediat e huaja raportojnë se gjendja e tij shëndetësore është e mirë, ndërsa është shqetësuar për të plagosurën. Ngjarja ndodhi në Bulevardin Sunset Në Los Angeles.
Një burim tha për revistën People: “Ai është mirë, shqetësimi i tij i vetëm tani është gruaja që u plagos.” Gruaja e cila drejtonte Toyota Prius të kuqe, ka pësuar dëmtime dhe është transportuar me ambulancë në spital. Askush nuk është arrestuar dhe alkooli nuk besohet të ketë qenë një faktor.
Arnold thotë se dëshiron ta takojë gruan e plagosur personalisht. “Dukej si një skenë nga një film.”, tha një dëshmitar. /abcnews.al
