Loading ...
I dëmtuar në kyçin e këmbës së majtë që nga fundi i nëntorit, sulmuesi brazilian Neymar, nga PSG, shpreson të rikthehet në garë më 6 shkurt, në kohë për t’u përballur me Lille.
Neymar u dëmtua më 28 nëntor kundër Saint-Etienne, dhe ende nuk është kthyer në stërvitje me shokët e tij të skuadrës, por ai i ka vënë vetes synimin që të rikuperohet në kohë për ndeshjen kundër Lille. “Neymar po ndjek planin e tij të rikuperimit”, tha trajneri Mauricio Pochettino, këtë të premte, në konferencën për shtyp para ndeshjes kundër Brest.
Për sa i përket Lionel Messit, i cili është ende duke u rikuperuar pas testit pozitiv për Covid-19, trajneri tha: “Leo është më i mirë, por ai është ende nën kontrollin e ekipit mjekësor. Shpresojmë që së shpejti të jeni me ne.” /abcnews.al/
