Jo vetëm Donaldi që ndodhet brenda shtëpisë së Big Brother por dhe vëllai i tij binjak, Romeo Veshaj ka qenë në fokus të mediave gjatë ditëve të fundit. Kjo për shkak se është përfolur për një ndarje të mundshme me vajzën e Niko Peleshit, Aleksian. Këto thashetheme u përforcuan kur Romeo hyri brenda BB VIP ndërsa shkëmbeu disa batuta dhe me Beniadën.
Mirëpo, në një intervistë që ka dhënë Aleksia, ajo nënkuptoi se nuk janë ndarë. “BB është një format argëtimi. Romeo është i asaj fushe (artist, humorist). Ai e di çfarë kërkon hilaritet dhe humor te publiku dhe ia servir atë. Nuk ka lidhje me ne. Ajo ka qenë diçka për humor dhe unë këtë e kam pranuar si pjesë e profesionit të tij në momentin që jam lidhur me një artist.”
Ndërsa u ndal te Donaldi, ajo tha se është i preferuari i saj brenda shtëpisë së famshme, madje komentoi dhe raportin e krijuar mes tij, Beatrixit dhe Borës. “Shiko, në rradhë të parë unë Donaldin e kam konsideruar gjithmonë familje dhe dua që të jetë i lumtur.
Ai është person që bën shumë për të tjerët dhe meriton që të marrë në këmbim atë që jep. Por ndjenjat janë të pakuptueshme, vijnë, ikin papritur dhe shpeshherë na bën që të lëndojmë dikë tjetër apo të thyejmë premtime.”, tha Aleksia. /abcnews.al
